Tag-ak - Artezteko makinak

DANOBATek, makina-erreminten eta ekoizpen sistema aurreratuen fabrikatzaileak, doitasun handiko tornu bat garatu du NBI industria taldeko kidea den NBI Bearings Europe errodamenduen fabrikatzailearentzat.

• DANOBAT-OVERBECKeko artezteko makina erosteko egin duen inbertsioarekin, ANCAk bere tailer mekanikoaren gaitasuna handituko du, egiten dituen CNC artezteko makinetan doitasun handiko osagaiak eskaini ahal izateko.

• Berriki DANOBAT-OVERBECK ID-400L doitasunezko barne-artezketa egiteko makina bat instalatu da Melbourneko ANCAren egoitza nagusian, Australian.

DANOBATek bi eguneko erakusketa antolatu du non bezeroek erradioak, artezteko doitasun handiko DANOBAT-OVERBECK IRD-400-a, gertutik ikusteko aukera eduki duten, eta baita enpresa eskaintzen ari den re-control/retrofit programa berriaren ezagutza ere. Erakusketa honen helburu nagusia merkatuko doitasun handiko makinen eskaerei erantzuna ematea izan da.

Bezeroei dagokienez, erakusketa honetara industria munduko sektore nagusien ordezkariak hurbildu ziren, beraien proiektuak arrakasta-bermez garatzeaz gain goi mailako teknologia soluzioak topatzeko. Manex Ochotecok, DANOBAT Machine Tool-eko presidenteak, erakusketa positiboki baloratu du: "gure lehen edizioa izanda, ez genuen honelako asistentziarik espero. Honek, etorkizun hurbilean erakusketa berriak antolatzera bultzatzen gaitu."

DANOBATGROUPek bere bi produktu marken, hau da DANOBATeta SORALUCE marken azken aurrerapen eta teknologiak erakutsiko ditu CIMT 2015ean, makina erreminta arloko Txinako nazioarteko erakustazokaren 13. edizioan.

DANOBATGROUPek E2 pabilioiko 201 estandean ondorengo makinak jarriko ditu ikusgai: zutabe mugikordun fresaketa eta mandrinaketarako neurri handiko SORALUCE FXR 16000-W , barneak eta erradioak artezteko DANOBAT-OVERBECK artezteko makina, IRD modeloa, eta DANOBAT hobidun tornua trenen errodadura eta trenetarako balaztatzeko diskoen mantentze lanetarako. Era berean, estandean maketa bat ere izango da muntatutako ardatzen fabrikazioa, ikuskapena eta muntaketarako giltza eskura proiektuaren xehetasunak ikusteko. Proiektu hau India Railways-erako egiten ari da eta guztira 15 ekipo ditu, ardatzak eta gurpilak mekanizatzeko makina, osagaiak manipulatzeko robot sistema bat eta lerroaren kontrol integralerako gailu informatikoa, besteak beste. Honekin guztiarekin batera beste produktu batzuei buruzko informazio zehatza ere emango da: artezteko makinak, tormuak, fresatzeko-mandrinatzeko makinak, puntzonatzeko makinak, tolesteko makinak, laser bidezko ebaketako makinak eta trenen sektorea eta oil&gaserako giltza eskura soluzioak.

Badira urte batzuek DANOBATGROUP kooperatiba taldeko enpresek euskararen erabileraren aldeko planak dituztela martxan eta plan horietatik sortutako lanak argitaratu eta jende guztiaren eskura jartzen dituztela. Horien artean, aurtengo honetan berritu eta osotuta aurkezten duen makina erreminta arloko irudi zein hitzak euskaraz kontsultatzeko hiztegia. Hiztegi honek, batetik, gaztelaniatik euskarara eta euskaratik gaztelaniara kontsulta teknikoak egiteko aukera eskaintzen du. Bestetik, DANOBATGROUPen diseinatu eta ekoizten diren hainbat makinen irudiak ere agertzen dira eta irudi horietan hiztegiko hitzak ikusi ahal izango dira. Horrez gain, nahi duen guztiak proposamenak egiteko aukera izango du hitzen bat ez badu aurkitu.