ENPRESA NAGUSIAK
Taldeko beste enpresa batzuk, eta bazkide industrialak eta teknologikoak:
Danobatek, 70 urteko esperientzia duenak, ekipamendu berritzaileak diseinatu eta garatzen ditu, besteak beste, artezteko makinak, tornuak eta CNC robot bidezko mekanizazio-sistemak. Berrikuntzan apustu sendoa eginez, balio erantsi handiko soluzioak fabrikatzen ditu, teknologikoki puntakoak eta eskariaren arabera konfiguratuak.
Danobat hiru marka liderren batura da: Danobat, Overbeck eta Hembrug. Overbeck, mende bateko historiarekin eta bikaintasuna ardatz hartuta, doitasun handiarekin barnealdeak artezteko makinen ekoizle alemaniar ospetsua da. Hembrug herbeheretarra liderra da ultra doitasuneko torneaketa-soluzioetan eta makina hibridoetan.
60 urteko historian oinarritutako esperientzia izanik eta berrikuntzak inspiratuta, Soralucek fresatzeko makina, mandrinatzeko makina, tornu bertikal, funtzio anitzeko soluzioak, eta sistema eta linea automatizatuen aukera zabala eskaintzen du, mekanizazioko ingeniaritzako aholkularitza profesionalarekin.
Soralucek bezeroen aurrerapen teknologikoarekin konprometituak dauden soluzio berritzaileak garatzen ditu, mekanizazioko erronkarik zorrotzenei efizientziaz eta produktibitate maila handiekin erantzuteko.
Goimek espezialista da doitasunezko mekanizazioen eta mekanizazio handien zerbitzuak eskaintzen, balio erantsi handiko piezetarako eta oso zorrotzak diren sektoreetarako, hala nola, sektore aeroespazialerako, energia eolikoaren sektorerako edo ekipo ondasunen sektorerako. Ekoizpen bitartekorik aurreratuenak eta azken belaunaldiko egiaztapen tresnak dauzka, bezeroei kalitaterik eta zerbitzurik onena bermatzeko.
Endityk giltza eskurako ikuskapen soluzioak eskaintzen ditu sektore estrategikoetan eta balio handikoetan, hala nola trenen sektorean, sektore aeronautikoan eta eolikoan, osagaien egoera eta kalitatea egiaztatu ahal izateko, haien gainazalean edo egituran kalterik eragin gabe.
Savvy datuak digitalizatzeko eta kudeatzeko prozesuetan espezializatua dago, eta bere helburua enpresa industrialei heuren eraldaketa digitalean laguntzea da, haien datuak informazio baliagarrian bihurtuz eta informazio hau negozio bilakatuz.
Novak doitasunezko artezketen arloan nabarmentzen da, eta biraketa piezetan eta pieza prismatikoetan espezializatu da, pieza unitarioak izan zein seriean fabrikatutakoak izan. Doitasuna eta bikaintasuna dira Novaken funtsezko zutabeak, fabrikatutako pieza bakoitzak kalitate estandar gorenak betetzen dituela bermatzeko.
Ideko fabrikazio aurreratuko teknologietan espezializatutako zentro teknologikoa da, eta manufacturingari aplikatutako doitasun eta adimen artifizialeko makina eta prozesuetan arreta berezia jartzen du. Industriaren egungo eta etorkizuneko erronkei erantzuteko gai diren teknologia berriak sortu, bereganatu eta garatzen ditu.
