Danobatgroupek talentua sustatu du eraldaketa digitalean digitalaren arloan   2025eko TFG-TFM Mondragon sarietan

• Industria taldeak beste urtebetez babestu du sari hauetako “Eraldaketa Digitalaren” kategoria, non aurten 124 hautagai izan diren guztira

Gazteen talentua bultzatzea eta fabrikazio aurreratuaren errealitatea belaunaldi berriei hurbiltzea Danobatgroup industria taldearen erakunde asmoaren funtsezko parte da. Misio hori Mondragon TFG-TFM Sarietan parte hartuz islatu da aurten ere.

Mondragon Korporazioak sustatutako sarien laugarren edizioak Gradu Amaierako eta Master Amaierako Lanak aitortu zituen atzo, azaroaren 27an, Bilboko Yimby Gunean egindako banaketa ekitaldian. Lan horiek berritzaileak, iraunkorrak eta pertsonengan oinarrituak izateagatik nabarmentzen dira, XXI. mendeko erronkei erantzunez. Edizio honetan, guztira 26.250 € eman dira, 13 proiektu irabazleen artean banatuta, bost kategoria nagusitan eta hiru kategoria zeharkakoetan sailkatuta.

Danobatgroupen kasuan, taldeak Eraldaketa Digitalaren kategoria babestu du berriro, hala nola adimen artifiziala, automatizazioa eta robotika bezelako bezalako arlo estrategikoak barne hartuta. Jasotako 124 hautagaitzetatik, Jorge Arboleda Álvarezek jaso du lehen saria “AI for the Generation and Modification of Robotic Environments” lanagatik, eta bigarren saria Unai Mintegui del Olmok “Implementation of a Vendor Agnostic Multi-Robot Welding Cell Using ROS2” lanagatik.

Sariak banatzeko ekitaldiaren aurretik InpaktuDay ekimena egin zen mundu akademikoaren eta enpresarialaren arteko zubi zuzena eraikitzeko diseinatutako topaketa. 
2024-2025 ikasturtean proiektua garatu duten edozein unibertsitatetako ikasleei irekia egon den edizio honetan, 50 unibertsitate baino gehiagotako 340 proiektu jaso dira, parte hartze errekor berri bat ezarriz.
 
Informazio gehiago TuLankiden.