Danobatgroupek Europako industria abangoardia euskal ingeniari talentuari hurbiltzen dio

• Advanced Manufacturing Hackathon ekimenaren bigarren edizioko irabazleek Danobat-Overbeck eta Bimatec Soraluce lantegiak bisitatu dituzte aste honetan, Alemaniako Danobat eta Soraluceren filialak hain zuzen.
• Tecnun–Nafarroako Unibertsitateko Ingeniaritza Eskolako Industria Ingeniaritzako Masterreko ikasleek aukera izan zuten eskari handiko merkatu baten errealitatea bertatik bertara ezagutzeko.
• Talde industrialaren eta prestakuntza-zentroaren arteko lankidetzak sendotu egiten du Danobatgroupen apustua, prestakuntza akademikoaren eta industria-jardueraren arteko bidea estutzeko.
   

Danobatgroupek urte berria ireki du, etorkizuneko talentuarekin eta prestakuntza bikaintasunarekin duen konpromisoa berretsiz. Tecnun - Nafarroako Unibertsitateko Ingeniaritza Eskolako ikasleek Europako bihotz industriala bisitatzeko aukera izan dute, Danobatgroupeko Advanced Manufacturing Hackathon ekimenaren bigarren edizioko sari gisa.

Tecnuneko Industria Ingeniaritzako Masterreko ikasleez osatutako talde irabazleak esperientzia hau lortu zuen joan den abenduan 60 ikasle baino gehiagok parte hartu zuten erronka teknologiko batean nagusitu ondoren.

Bidaiak aukera eman die etorkizuneko ingeniariei taldearen kanpoko bi inplantazio gakoren instalazioak bertatik bertara ezagutzeko: Danobat-Overbeck eta Bimatec Soraluce.

Murgiltze profesionala

Murgiltze profesionalean, ikasleak ekoizpen plantetan ibiltzeaz gain, tokiko talde teknikoekin interakzioan aritzeko aukera izan zuten, eskakizun handiko sektoreetarako garatutako artezketa eta fresaketa soluzioak ezagutzeko eta Danobat edo Soraluce bezalako euskal enpresa kooperatibo bat Alemania bezalako merkatu lider batean nola lehiatzen den bertatik bertara ulertzeko.

Sofia Aparicio talde irabazleko kidearentzat, esperientzia horrek jauzi kualitatiboa ekarri du bere prestakuntzan: "Unibertsitatean oinarri teorikoa ikasi eta paperean arazoak konpontzen ditugu, baina Alemaniara bidaiatzeko aukera izatea eta teknologia hori lehen mailako bezeroentzako benetako makinetan nola aplikatzen den ikustea paregabea izan da. Advanced Manufacturing Hackathon irabaztea erronka bat izan zen, eta bidaia hau ingeniaritzaren benetako eragina ikusteko saririk onena izan da ".

Ekimenaren bigarren edizioa Ideko taldeko partner teknologikoaren instalazioetan egin zen, eta Danobatgroupen Kudeaketa Sozialeko estrategiaren parte da STEM bokazioak piztea eta taldea garapen profesionalerako ingurune erakargarri gisa posizionatzera bideratzea. Tecnunekin izandako lankidetza historikoa, hamarkada gainditu duena, funtsezkoa da helburu horretan.

Taldeak adierazi duenez, "funtsezkoa da ikasgelaren eta fabrikaren arteko hormak haustea. Talentu gazteak hemen, Danobatgroupen, nazioarteko karrerak garatu eta teknologiarik aurreratuenarekin lan egin dezaketela ikustea nahi dugu ".

 
Danobatgroup-i buruz
Industriako fabrikazioari aplikatutako teknologikoen alorrean 70 urteko ibilbidea eginda, Danobatgroupek trebakuntza handiko 1.400 pertsona baino gehiago ditu plantillan, eta 344 milioi euroko fakturazioa. Taldea MONDRAGON Korporazioko kide da, eta makina-erremintaren eta fabrikazio aurreratuaren sektorean nazioarteko erreferentea, eta Danobat, Soraluce eta Goimek dira bere enpresa nagusiak.

Tecnun-i buruz
Tecnun – Nafarroako Unibertsitateko Ingeniarien Eskola, Donostian, etorkizuneko ingeniarien prestakuntza profesional, zientifiko eta gizatiarrean laguntzen du. 1961ean sortu zenetik, irakaskuntza, ikerketa eta gizarteari zerbitzua ematearen arteko oreka mantendu du, jarduera horien osagarritasuna sustatuz.