DANOBATGROUP konprometituagoa gizartearekin

DANOBATGROUP konprometituagoa gizartearekin

20-09-2018
  • Prostata minbiziaren diagnostikorako ikerketa, gaixotasun pneurodegeneratiboen kontrako terapien garapena eta premia bereziak dituzten haurren errealitatea ezagutzera emateko dokuweb bat egiteko lanak finantzatuko ditu taldeak.
  • Enpresa taldeak eraldaketa sozialerako agente gisa hartzen duen konpromisoa bultzatzeko lankidetza programa berri bat abiarazi du, eta lankidetza programa horren zatia dira proiektuak
  • Programak ELKARREKIN ERAGIN izena dauka, eta ekimenak diruz babestuko ditu hiru urtean. Ekimenak, berriz, langileek bozketa irekian hautatutakoak dira.


Gaixotasun pneurodegenatiboen kontrako terapien ikerketa, prostata minbizirako teknika eraginkorragoen garapena eta premia bereziak dituzten haurren errealitatea ezagutaraztea dira DANOBATGROUP euskal enpresa taldeak balio kooperatiboak, ongizate soziala eta hurbileko ingurunearen kohesioa bultzatzeko asmoarekin abiarazi duen Elkarrekin Eragin ekimenaren ardatzak.

Garapenarekin duen konpromisoaren barruan eta bere plan estrategikoarekin bat etorrita, makina-erreminten espezializatuta dagoen taldeak erabaki du etapa berri b bati ekitea, eraldaketa sozialari lotutako agente gisa protagonismo handiagoa hartzeko.

Testuinguru horretan, DANOBATGROUPek Elkarrekin Eragin kanpaina abiarazi du. Proiektu parte hartzailea da, izan ere, taldea osatzen duten kooperatibek (DANOBAT, SORALUCE, LATZ, GOIMEK, GOITI, IK4-IDEKO eta DANOBATGROUP) lankidetzan aritzeko eta ikerketarako hainbat programa aukeratu dute, non modu aktiboagoan parte hartu nahi duten.

Ekimenak proposamenak egiteko fase bat eduki du. Urte honen hasieran egin da fase hori, langileek beraien ustez laguntzak jaso beharko lituzketen proiektuak aurkeztuta. Proposamenak baloratu ondoren, hamar proiektu finalista aukeratu ziren eta horiekin zerrenda bat prestatu zen, langile guztiek modu irekian bozkatzeko.

Bozketan, DANOBATGROUPek modu proaktiboan datozen hiru urteetan zehar landuko dituen 3 proiektuak atera ziren. Proiektuak finantzatzeko 600.000 euro erabiliko dira guztira.


Hiru proiektu, hiru helburu

Minbiziaren aurkako Espainiako Elkarteak (AECC) bultzatutako ikerketa proiektu bat izan da DANOBATGROUPeko langileek aukeratutako lehen ekimena. Txiza laginetan oinarrituta prostata minbizia erraz, azkar eta merke antzemateko test bat garatzea da proiektuak bilatzen duena. Hau da, haurduntza testaren moduko test bat garatu nahi da prostata minbizia antzemateko.

Proiektuaren xedea da metodo ez inbaditzaile bat sortzea, tumore onak, geldoak edo erasokorrak bereizi ahal izateko eta paziente bakoitzarentzat neurri terapeutikorik egokienak aukeratzeko.

Jesus Martinez de la Fuente doktore euskaldunaren gidaritzapean, Zaragozan garatzen ari da proiektua, eta Herbeheretako, Noruegako, Letoniako eta Estoniako ikerketa taldeen laguntza dauka.

The Walk On Project (WOP) Fundazioa izanda Elkarrekin Eragin ekimeneko zatia izateko aukeratu den bigarren erakundea, eta erakunde hori gaixotasun pneurodegeratiboen aurkako terapiak garatzeko eta ikerketa eta zientziarekiko kontzientziazio soziala bultzatzeko ikerketa programak finantzatzeaz eta patologia hauen erretatitalea azalarazteaz arduratzen da.

Fundazioak sustatutako terapiak garatzeko proiektu berriak finantzatzera zuzenduta dago DANOBATGROUPek erakunde honi egiten dion ekarpena, terapia horiek epe labur-ertainean gaixoengan aplikatzeko.

WOP fundazioa gaixotasun pneurodegeneratiboen kontra ari da sortu zenetik, eta Carlos III Osasun Institutuaren kanpoko batzorde aholkulari batean oinarritzen da berak bultzaten dituen proiektuen aukeraketan.

Hautaketa prozesuan kontuan hartzen da jasotako lanen bikaintasun zientifikoa eta teknikoa, eta azpimarra berezia egiten zaie hainbat gaixotasun pneurogeneratibori, hala nola esklerosi anizkoitzari, leukodistrofiei, alzheimerrari edo parkinsonari.

Bukatzeko, taldea BIZIPOZA erakundearekin elkarlanean arituko da. 32 elkartek osatutako erakundea da, eta premia bereziak dituzten haurren eta beren familien ongizatea bultzatzen dihardu.

Zehazki, DANOBATGROUPek elkartasuna, talde lana eta euskarakomunikazio hizkuntza izanik gizartean bizitzea bultzatu nahi ditu, eta balio horiek bultzatuta premia bereziak dituzten haurren errealitatea ezagutarazi, web dokumental bat sortzen lagunduta.

Euskadin kolektibo horrek duen errealitatea dokumentatzeko eta zabaltzeko bide garrantzitsu bat eratu nahi du proiektuak; beraz, aurreikusita dago dokumentalaren emanaldiak eta aurkezpenak egitea, bai eta hainbat gunetan dokumentala hedatzea ere, esaterako, BIZIPOZA webgunean eta BIZIPOZA osatzen duten erakunde eta elkarte guztien atarietan.


“Programa honekin bilatzen dugu gure erakundeak bere nortasunean aurrerapauso bat gehiago ematea, hurbileko ingurunearen aurrerapenarekin, euskal kulturarekin, garapen zientifikoarekin eta ikerketa biosanitarioarekin konprometituta dagoen erakundea garen heinean, kohesio sozioekonomikoa eta aukera berdintasuna bultzatzeko”, baieztatu du DANOBATGROUPeko lehendakari Cesar Arriolak.

 

DANOBATGROUPi buruz

Industriako fabrikazioari aplikatutako teknologikoen alorrean 65 urteko ibilbidea eginda, DANOBATGROUPek trebakuntza handiko 1.300 pertsona baino gehiagok osatutako plantilla bat dauka. Taldea erreferentziako eragilea da nazioartean, makina-erreminten sektorean eta industriako fabrikazioari aplikatutako teknologietan.