Skip to main content
2017/06/28

DANOBATek ebaketa prozesuetarako disko-anitzeko soluzioa garatu du, doitasun handikoa, automobilgintza, oil&gas eta errodamendu fabrikatzaileen sektoreetara bideratutakoa

DANOBATek ebaketa prozesuetarako disko-anitzeko soluzioa garatu du, doitasun handikoa, automobilgintza, oil&gas eta errodamendu fabrikatzaileen sektoreetara bideratutakoa
  • Makina-erreminta fabrikatzaileak, guztiz automatikoa den sistema diseinatu du, produktibitate handiduna, malgua eta bezeroaren beharretara egokitzen dena.
  • Siderurgiako multinazional baterako garatu duen soluzio honek, balio erantsi handia duten altzairuzko hodiak mozteko aukera ematen du materialen hondakinak minimizatuz.

DANOBAT makina-erremintaren fabrikatzaileak, doitasun handia duen eta ebaketarako disko asko dituen soluzioa garatu du sektore estrategikoetan erabiltzen diren altzairuzko hodientzat, hala nola,  oil&gas, automobilgintza eta errodamenduen fabrikatzaileen sektoreetarako.

Siderurgia sektoreko multinazional batentzat garatu den soluzio honek, altzairu kalitate desberdineko hodiak ebakitzeko aukera ematen du 60 mm eta 208 mm arteko diametrodunak, gehienez 40 mm arteko lodieradunak eta 25 mm eta 400 mm arteko  luzeradunak. Hala ere, DANOBATeko sistemaren ezaugarri nagusiena, daukan malgutasun handia da, bezero bakoitzak eskatutakoaren arabera, beste parametro batzuetara ere egokitu daitekeelarik.

Produkzio plantako MES (Manufacturing Execution System) sistemarekin intergartzeko programatua dagoen eta modu guztiz automatikoan funtzionatzen duen garapen hau, kargarako bankal batekin hornitua dago eta hodiak posizio zehatzean kolokatzen ditu ebaketa prozesuarekin hasteko. Modu honetan, makina-buru birakari baten gainean muntatuta dauden hiru diskoak ebaketa prozesuarekin has daitezke.

Soluzio honen abantaila teknologiko nagusiena da diskoak biratzeko duen gaitasunak ahalbidetzen duela ebaketa soilik lodieraren gainean egitea. Baldintza honek, denbora murriztea dakar, bai eta produktibitatearen gehikuntza adierazgarria ere.

Gainera, ekipoak irteera-sistema robotizatua dauka, ebakitako hodiak hariztaketa lerrora desplazatzeko aukera ematen duena mekanizazio prozesuaren hurrengo fasearekin jarraitu ahal izateko edota biltegiratzeko.

Soluzioa, DANOBATek garatutako software propio batekin hornitua dago eta produkzio plantako kontrol-sistemarekin komunikatzeko aukera ematen du, produkzio aginduak zuzenean ekipoari transmititzen dizkiolarik.

DANOBATen garapen honek, 4.0 kontzeptu teknologikoa txertatuta daukanak eta fabrikazioan 0 akats izateko paradigmaren baitan kokatzen denak, kerf-a minimizatzeko betekizuna betetzen du, hau da, ebaketa prozesuan alferrik galtzen den materialaren kantitatea murrizten du.

Soluzio osoa da, prozesuaren, unitateen eta gailu periferikoen ezaugarrien ikerketa barne hartzen duena. Garapen honek produktibitate handia dauka, adimenduna da , erabat automatikoa, abiadura handian lan egiten du eta kalitate handiko emaitzak ziurtasunez ematen ditu. Materialaren galera ere txikitzen du.

Halaber, sistema hau jada plantan instalatuta dauden beste ekipo batzuekin integratu daiteke linean lan egiteko helburuarekin baina ebakitako piezak paletetan jartzeko aukera ere ematen du biltegiratuak izan daitezen edota bestelako helmuga batera bidaliak izan daitezen.

 
Sinergiak, zerren garapena optimizatzeko
Ekipo honen garapena, DANOBATek egindako apustuaren baitan kokatzen da, teknologikoki aurreratuak diren eta balio erantsi handia duten ebaketa soluzioen arloan urratsak emateko.

Testuinguru honetan, makina-erremintaren fabrikatzaileak Plantool erakunde finlandiarra eskuratu zuen 2015ean, zerra zirkularren garapenean espezializatua, bai eta fidagarritasun eta doitasun handiko eta kontrolerako puntako sistemak dituzten soluzioetan espezializatua ere.

Plantool erakundearen teknologia DANOBATeko soluzio osoen eta automatizatuen  garapeneko ibilbidean  txertatuta, puntako sistemen fabrikazioa eta bezeroen beharretara egokitzeko gaitasuna finkatzen ditu.