Prentsa oharrak - Danobatgroup

Danobatgroupek Euskadiko emakumeen talentu zientifikoa ikusarazten laguntzen du Gladys sarian parte hartuta

Gaur goizean, PUNTUEUS fundazioak eta EHUko Informatika Fakultateak ematen duten Gladys saria banatzeko ekitaldia egin da Donostian, eta industria taldeak ekitaldian parte hartu du
Danobatgroupek ingurune digitalean lan egiten duten emakume profesional gazteekin duen konpromisoari eusten dio, eta hirugarren urtez jarraian babestu du ekimena

Prentsa oharrak

Danobatgroup industria taldea, makina-erremintaren diseinuan eta fabrikazioan eta fabrikazio aurreratuan espezializatutako taldea, eta Fagor Automation, makinen automatizazio eta kontrolerako produktuen garapenean eta fabrikazioan erreferentea, Mondragon Korporazioarekin aliantza eginez, Wooptix konpainiaren kapitalean sartu dira finantzaketa erronda baten bidez.
Wooptix aditua da erdieroaleen metrologian uhin fronteko faseko irudiak erabiltzen. Astronomiako optika moldakorraren gaineko ikerketak emandako teknika bat da hori.

Prentsa oharrak

Industria taldeak bere bigarren jasangarritasun memoria argitaratu du, eta, bertan, Taldeak pertsonak, berrikuntza, gizarte konpromisoa, gobernu korporatibo ona eta ingurumen errespetua kokatzen ditu hazkunde jasangarria bermatzeko gako gisa.
Industria taldeak jasangarritasunaren aldeko apustuan aurrera egiten jarraitzen du, bere 2021-2024 Plan Estrategikoan jasotako ASG irizpideekin (Ingurumenekoak, Sozialak eta Gobernu Onekoak) ekintzak garatuz.
Gainera, Nazio Batuen Garapen Jasangarrirako Helburuekin (GJH) duen konpromisoa indartu du, hazteko palanka gisa.

Prentsa oharrak

Industria taldeak Emakume Teknologoaren 2023ko Ada Byron sarien banaketa ekitaldian parte hartu du. Deustuko Unibertsitateko Ingeniaritza Fakultateak ematen ditu sariak, eta gaur goizean izan da sari banaketa, Madrilen.
Zehazki, makina-erremintaren fabrikatzailearen Berrikuntza zuzendari eta sarien epaimahaiko kide Nerea Arangurenek eman du Ada Byron gaztea saria.
Danobatgroup, gainera, sarien erakunde babesleetako bat da emakumeen STEM bokazio zientifikoak sustatzeko duen estrategiaren barruan.

Prentsa oharrak

SORALUCE SUMMIT 2023 ekitaldian, Iñigo Urkullu Renteria lehendakariak SORALUCEren Muntaketa Planta Berria inauguratu du gaur goizean, kooperatibak Bergarako Osintxu auzoan duen egoitza nagusian.
Sektorearen erronkei eta enpresak berak duen hazteko bokazioari erantzunez, makina-erremintaren fabrikatzaileak bere produktuen portfolioan fresatzeko makinen lerro berri bat sartzearen alde egin du. SORALUCE Performance Line da produktu berri hori, eta ekitaldian aurkeztu da.
Muntaketa planta berria diseinatzean eta eraikitzean, jasangarritasunari begiratu zaio, eta LEED Gold ziurtagiria izango du. SORALUCEk, horrela, fabrikaziorako duen guztizko azalera handitu du, orain 30.000 m2 baititu horretarako.
Hurbilen duen ingurunearekin duen konpromisoaren baitan, SORALUCEk Osintxu auzoaren aurrerabidea sustatzen du, Osintxu Bizi proiektuaren bidez, dimentsio anitzeko ikuspegiarekin, arlo ekonomikoa, industriala, urbanistikoa, ingurumenekoa eta humanoa aintzat hartuta. Osintxu Bizi proiektua elkarlanaren eta talde lanaren adibide garbia da, eta Lehendakariak horrela jarduteko deia egiten du, hazten eta enplegu aukerak sortzen jarraitzeko.

Prentsa oharrak

Industria taldeak aurrerapausoa egin du nazioartean hedatzeko estrategian, Txinan bikaintasun zentro berri bat inauguratuta. Horrela, duela 30 urte baino gehiago hasi eta Asiako herrialdean garatzen ari den merkataritza eta zerbitzu jarduera sendotu du.
Instalazio berria ekipamendu aurreratuekin hornituta dago eta Txinako merkatuan Soraluce eta Danobat marken eta azken honen barne dauden Overbeck eta Hembrug marken posizionamendua hobetzea ahalbidetuko du.

Prentsa oharrak

Danobatgroupeko doitasun handiko mekanizazio enpresak Sener Aeroespacialekin lankidetzan aritu da JUICE misioan, gure eguzki sistemako planetarik handiena esploratzeko
Goimek MGAMA edo irabazi ertaineko antenaren hegaldi modeloaren islatzaile nagusia fabrikatzeaz arduratu da, baita horren elementu osagarriak ere, horrela, ontziaren egonkortasun termikoa eta irrati frekuentziako prestazioak bermatzeko
JUICE misio espazialaren helburu nagusia da Jupiter eta horren hiru satelite natural handienak esploratzea -Ganimedes, Kalisto eta Europa-, eta datorren ostegunean, apirilak 13, aireratuko da

Prentsa oharrak

Industria taldeak eta EHUko zentroak Makina-erremintaren Doitasun Gela sortu dute, makina-erremintan eta fabrikazio aurreratuan talentua prestatzen eta kudeatzen laguntzeko
Danobatgroupek eta EHUko Gipuzkoako Ingeniaritza Eskolak lankidetza akordioa sinatu dute gaur goizean, Donostian, eskolak dituen instalazioetan
Hitzarmena gaur ofizialdu den arren, ekimenaren dinamikak duela urtebetetik daude erabilgarri Ingeniaritza Elektroniko Industrial eta Automatikoko, Ingeniaritza Mekanikoko eta Ingeniaritza Mekaniko + Ingeniaritza Elektroniko Industrial eta Automatikoko gradu bikoitzeko ikasleentzat

Prentsa oharrak

Industria taldeak Danobat, Soraluce eta Goimek kooperatibek lurraldean dituzten instalazioak irizpide iraunkorren arabera handitzeko eta modernizatzeko erabili du partida hau, sektorearen eskakizun berriei erantzuteko.
Makina berriak erostera ere bideratuko da inbertsioa, eta makina berri horiekin negozioen balio proposamena indartuko da eta lehiakortasuna areagotu.
Ekimenak Eusko Jaurlaritzaren laguntza du Bilakatu programaren bidez, eta Danobatgroupi ahalbidetzen dio jarduera zentroa lurraldean mantentzea eta Euskadirekin duen epe luzeko konpromisoa berrestea.

Prentsa oharrak