Soralucek bezeroarenganako duen ikuspegia agerian utziko du, mekanizazioko soluzio lanen portafolio erakargarri, osatu eta liderra erakutsiz, baita erabiltzeko eraginkorrenak eta errazenak diren zerbitzuak ere. Hori 2019ko EMOan izango da (13. Pabiloia, B38 standa), #MadeForYOU.
BIMU munduko erakusketa handienetako bat da, bere tipologian. Hainbat enpresak makina-erremintarako robot automatizatuak eta egiturak eta osagaiak prozesatzeko azken berrikuntzak aurkeztuko dituzte.
AMB, Metalurgiaren Nazioarteko erakusketa, urteetan zehar industriako ekitaldi nagusitzat hartu da eta industriaren munduko 5 erakustazoka hoberenen artean kokatzen da. 2018ko irailean berriro ere ia 30 herrialdetako 1,300 erakusle baino gehiagok azken berriak aurkeztuko dituzte makina erremintei, prezisio erremintei eta metalen mozketarako produktuei dagokionean. AMB 2018 urtean industriaren puntu gailena izango da.
IMTS 2016 manufaktura-teknologiaren hogeita hamaikagarren edizioa da, Ipar Amerikan. 1,900 enpresa erakuslek 1,240,863 oin karratu garbiko erakusketa espazioa beteko dute Chicago, Illinois, McComick Place aretoan. IMTS urte bakoiti guztietan ospatzen da Chicagon eta 100,000 erosle baino gehiago eta 112 herrialde baino gehiagotako saltzaileak erakartzen ditu.
Estatu mailan erreferente eta espezialitate horretako Europako hirugarren erakusketa garrantzitsuena den Makina-erremintako Nazioarteko Erakusketak makineria erreminta, osagai eta gehigarri, automatizazio, metrologia, kalitate kontrol eta beste hainbat alderditako garapen berriak aurkeztuko ditu.
Maiatzaren 14tik 18ra, DANOBATGROUP berriro egongo da erakusketari Moskuko METALLOBRABOTKA azokan, Errusian urtero egiten den makina-erreminten azokarik garrantzitsuenean, alegia.
MACH 2018 fabrikazioaren teknologiarentzat Erresuma Batuko erakusketa handiena da. Bost egunetan zehar, 20.000 bisitarik baino gehiagok azken berrikuntzak eta teknologiak aurkeztuko dituzten 500 erakusle inguru bisitatzeko aukera izango dute.
METAV Dusseldorf automatizazioaren eta fabrikazioaren teknologiaren erakustazoka handiena bezala finkatu da. 2018An, Alemaniako eta Europako bezeroak bilduko dira nazioarteko erakustazoka honetan, merkaturako eskaintza sorta eguneratua ezagutzeko.
SORALUCEren XXL sailaren Ate Irekien Jardunaldiak martxoaren 6-9 egunetan ospatuko dira Bergaran ditugun instalazioetan. Bertan aurkeztuko ditugu gure produktu, teknologia eta soluzio berritzaile eta berrienak; fresaketa, mandrinatze eta torneatze eskakizunak asetzeko pisu eta tamaina handiko osagarrietan.
Enpresa taldeak presentzia nabarmena edukiko du datorren abenduaren 27an egingo den Gipuzkoa Talent Forum jardunaldian.
Gipuzkoako enpresek karrera profesional arrakastatsua garatzeko eskaintzen dituzten aukeren berri ematea da topaketaren xedea.
Ekonomialariek eta lan merkatuaren azterketetan aditu direnek egindako azken azterlan guztietan datu garrantzitsu bat aipatzen da: etorkizuneko lanbide gehien-gehienak ez dira gaur egun existitzen. Txosten batzuek, gainera, esaten dute kopuru hori %85ekoa izango dela 2030ean. Aldaketa prozesu hau teknologia digitalen iraultzaren babespean gertatzen ari da, eta bere ondorioa da duela urte gutxi batzuk urrutian ere agertzen ez ziren profil berriak eskatzen ari direla.
Ezagutzen trukaketa bultzatzeko eta enpresen lankidetza sustatzeko, DANOBATGROUP makina-erreminten fabrikatzailea Basque Industry 4.0 kongresuaren 4. edizioaz baliatu zen industria digitalean dituen ahalmenen berri emateko, 4.0 industriaren gainean Euskadin egiten den foro nagusietako baita.
DANOBATGROUPek, makina-erreminten eta sistema aurreratuen fabrikatzaileak, presentzia nabarmena eduki du egun hauetan Gipuzkoako Zientzia eta Teknologia Parkean egiten ari den Makina-erreminten eta Fabrikazio Aurreratuaren Kongresuan.
Gaur eman zaio hasiera hitzorduari eta ostiralera arte luzatuko da, eta bere asmoa da fabrikazioaren sektorearen joeren berri ematea. Aurten, berriz, arreta berezia egingo zaio ekoizpen prozesuen digitalizazioari.
_baja6.jpg)
Berrikuntzak inspiratuta eta 55 urteko historian oinarrituz, SORALUCE mundu mailako liderra da fresaketa, mandrinaketa eta torneaketa teknologietan. Berrikuntza puntako gaia da dago eta SORALUCE aitzindaria da makina-erremintaren sektorea bultzatzen duten hainbat teknologietan.
Etengabeko eboluzioan dagoen mundu batean bizi gara; mundu batean non guztiongandik espero den nabarmenduko garela. Produkzio-indize eta doitasun handiagoak, efizientziaren hobekuntza, errendimendua handitzea, erabilerraztasuna, ergonomia, segurtasuna eta errentagarritasuna; horrekin batera murrizten ari dira ziklo denborak, geldialdiak, kontsumoa eta emisioak. Garapen mota horrek dauka zentzua SORALUCErentzat.
Berrikuntzak inspiratuta eta 55 urteko historian oinarrituz, SORALUCE mundu mailako liderra da fresaketa, mandrinaketa eta torneaketa teknologietan. Berrikuntza puntako gaia da dago eta SORALUCE aitzindaria da makina-erremintaren sektorea bultzatzen duten hainbat teknologietan.
Etengabeko eboluzioan dagoen mundu batean bizi gara; mundu batean non espero den guztiok nabarmendu dezagun. Produkzio indize eta doitasun handiagoak, efizientziaren hobekuntza, errendimendua handitzea, erabilerraztasuna, ergonomia, segurtasuna eta errentagarritasuna; murrizten ari diren bitartean ziklo-denborak, geldialdiak, kontsumoa eta emisioak. Garapen mota hori da SORALUCErentzat zentzua duena.
DANOBATGROUPek bigarren urtez jarraian parte hartuko du WORKinn enplegu foroan. Hitzordua ekainaren 7an eta 8an izango da, Bilbao Exhibition Center azoka esparruan, eta bere helburua da industri enpresa ezagunen eta sektoreko profesionalen arteko harremanak sendotzea.
Foroak, zeina industriako fabrikazioari lotutako beste hainbat azoka, hala nola Addit 3D eta Maintenance Bilbao, egiten ari diren une berean egingo baita, ingeniaritzako eta fabrikazioko adarretan espezializatutako talentu berriak identifikatzeko gune bat izan nahi du, baina beste zeregin ere badu, sektore pribatuaren posizionamendua bultzatzeko lekua izatea, sektore pribatua kalitateko enplegu eragilea den heinean.
Beste behin ere DANOBATGROUP erakusketari egon da Moskuko METALLOBRABOTKA azokan, Errusian urtero egiten den makina-erreminten azokarik garrantzitsuenean, alegia.
Edizio honetan DANOBATGROUPEK DANOBATen eta SORALUCEren soluzio eta teknologiarik berrienak erakutsi ditu, azpimarratuta makina aurreratuetan duen eskaintza, azken teknologiak eta osagai adimendunak baitituzte (aparteko garapenak, piezen akaberan doitasun handiagoa eta produktibitate handiagoa lortzen uzten dutenak); balio erantsi handiko osagaien fabrikaziorako soluzio espezializatuak industri sektorerik zorrotzenetarako; bai eta giltza eskura erako instalazioen proiektuetan eskaintza ugari ere, tartean direla aurretiazko ingeniaritza lanak hartzen dituzten proiektuak, mekanizazio eta ikuskapen prozesuen azterketa, zehaztapen teknikoak eta ekipoen hornidura, piezen garraiorako sistemak eta lerro osoa munduko edozein tokian instalatu eta prest jartzeko lanak, esaterako.
Berriro ere DANOBATGROUP Pekingo CIMT azokan egon da erakusketari. Txinan egiten den makina-erreminten azokarik garrantzitsuena da, bi urtean behin egiten da, eta aurten azokaren 15. edizioa egin da.
Edizio honetan DANOBATGROUPEK DANOBAT eta SORALUCEenpresen soluzio eta teknologiarik berrienak erakutsi ditu, azpimarratuta makina aurreratuetan duen eskaintza, azken teknologiak eta osagai adimendunak baitituzte (aparteko garapenak, eta piezen akaberan doitasun handiagoa eta produktibitate handiagoa eskaintzea ahalbidetuta); balio erantsi handiko osagaien fabrikaziorako soluzio espezializatuak industri sektorerik zorrotzenetarako; bai eta giltza eskura erako instalazioen proiektuetan eskaintza ugari ere, tartean direla aurretiazko ingeniaritza lanak hartzen dituzten proiektuak, mekanizazio eta ikuskapen prozesuen azterketa, zehaztapen teknikoak eta ekipoen hornidura, piezen garraiorako sistemak eta lerro osoa munduko edozein tokian instalatu eta prest jartzeko lanak, esaterako.
SORALUCEk aurkezten du TA-M fresaketa torneaketa zentro berria, produktibitatea maximizatzera bideratutako multitasking soluzio bat, gai dena fresaketa eta torneaketako operazioak egiteko makina bakarrean, mekanizazio-gaitasun eta funtzionaltasun handiak eskainiz.
Makinak ataza-aniztasun eta moldakortasun eskakizunei erantzuten de,e produktibitatea maximizatu eta pieza prestatzeko denborak murriztuz. Testuinguru honetan, bankada finkoa duen SORALUCE TA-M multifuntzioa fresatzeko makinak behar den lotualdi kopurua murrizten du, bai ziklo denborak zein balizko akatsak minimizatuz. Modelo hau sortua izan da erantzun bat emateko eskakizun maila altuko hainbat osagarriren mekanizazio beharrei.
4.0 industriaren arloan, SORALUCEk aurkeztu du SORALUCE MONITORING I4.0, monitorizazio pakete oso bat laguntzen duena makinaren errendimendua hobetu eta prozesuaren produktibitatea handitzen, kostu operatiboak murriztuz.
Tamaina handiko osagarrien mekanizazioak oso gaitasun espezifikoak eskatzen ditu, eta makinek merkatuan lehiatzeko behar diren doitasun, produktibitate eta fidagarritasun maila handienak bermatu behar dituzte.
Ehunka tona pisatzera iritsi daitezkeen mota horretako pieza handiekin, tolerantzia ehundarrez gain, gaur egun, makina gai izan behar da oso konplexuak diren mekanizazio lanak egiteko, ahalik eta gehien murriztuz lotualdi kopurua, ziklo-denbora, zein balizko akatsak.Makinak erantzun egin behar die multiataza eta moldaerraztasun eskaerei, eta ekidin, askotariko lotualdiak edo pieza makinatik makinara ibiltzea.
IMTEX 2017 Indiako makina-erremintaren azokarik garrantzitsuena da eta DANOBATGROUP bertan egongo da torneaketan, artezketan eta fresaketan DANOBAT eta SORALUCEk egindako azken garapen eta teknologiak aurkezten.
Azokaren edizio honetan, DANBATGROUPek bereziki azpimarratuko ditu hainbat industriatara zuzendu dituen azken garapenak, industria hauetarako esaterako:
Berrikuntza punta-puntan dago SORALUCEn eta makina-erremintaren sektoreari bultzada ematen dioten teknologietako asko eta asko, SORALUCEk sustatutakoak dira.
Testuinguru horretan eta bere lankide teknologikoa den IK4-IDEKOk koordinatuta, SORALUCEk COROMA proiektuan parte hartzen du. COROMAren helburua da robot-sistema modular bat garatzea hainbat fabrikazio-lan egingo dituena era autonomoan.
Makina-erremintaren fabrikatzaile europarrak, zeina fresaketan, mandrinaketan eta torneaketan aditua baita, bere balio erantsi handiko proposamen teknologikoa aurkeztu zuen bere Technology Days ekitaldiaren 6. edizioan, enpresak Limburgen duen BIMATEC SORALUCE Bikaintasun Zentroaren 25. urteurrena ospatzen ari zen une berean.
Europako, Amerikako eta Asiako 800 bezero baino gehiagoren asistentziarekin, SORALUCEk bere azken berrikuntzak eta garapenak aurkeztu zituen, benetako mekanizazio baldintzetan. Horretarako, Bira Teknologiko bat egin zuen, non fresaketarako, mandrinaketarako eta askotariko funtzioetarako 9 makina erakutsi zituen. Biran zehar, zuzeneko erakusketak egin ziren makina bakoitzaren ahalmenak azaltzeko, eta duela gutxi Quality Innovation of the Year eta Best of Industry Award sariak eskuratu dituen DAS teknologiaren erabileraren adibide ikaragarriak eta tresneriarako DAS berritzailea erakutsi ziren.
SORALUCEk TECHNOLOGY DAYS 2016 antolatu du, urtero egiten den ekitaldia, SORALUCEren teknologia eta garapen berriak erakusteko mekanizazio egoera errealetan eta fresaketa, mandrinaketa eta torneaketa arloan espezialista onenen eskutik. TECHNOLOGY DAYS 2016 ekitaldian zehar, SORALUCEren makina-belaunaldi berriaren onurak frogatu ahal izango dira, eta baita soluzio eta teknologia berriak ezagutu ere, besteak beste DAS sistema, 2016 urtean zehar behin baino gehiagotan saritua izan dena.
TECHNOLOGY DAYS 2016 inoizko ekitaldi bereziena izango da, izan ere, SORALUCEk bere bikaintasun zentroaren 25. urteurruna ospatzen du: BIMATEC SORALUCE (Limburg, Alemania).
GOIMEKek, DANOBATGROUPen barruan dagoen eta doitasunezko mekanizazio lanetan eta mekanizazio handietan espezializatuta dagoen enpresa baita, SORALUCE FS-16000 azken belaunaldiko mekanizazio zentro multiataza erosi du, eta erosketa horrekin produkzio ahalmen gehiago edukiko du.
Erosketa berri horri esker, kooperatibak egun dituen produkzio ahalmenak handituko ditu eta, horrez gain, gaur egun duen kalitate zerbitzua indartuko du doitasun handia behar duten piezetan. Era berean, inbertsioarekin egun dituen ahalmen sorta zabaldu ahal izango du, eta artezketa eta fresaketaz gain torneaketa eragiketak ere eskaini, izan ere, orain arte enpresaren makina parke zabalean ez zen teknologia berri hori eskaintzen.
BIMU 2016 azoka egingo dela eta, enpresa europarrak SORALUCE etxearen fresaketa eta mandrinaketa makinen eta tornuen belaunaldi berria aurkeztuko du eta, horiekin batera, DAS (Dynamics Active Stabiliser) sistema berritzailea ere bai, zeinak makina-erremintaren sektorean iraultza ekarriko baitu.
Makina osorik eta erabiltzailearen ikuspuntutik berrikusi eta gero jaio da SORALUCE belaunaldi berria. Bere asmoa da eraginkortasun operatiboa hobetzea eta makinaren kontzeptu globala garatzea, makina ez ezik laneko gunea osorik ere aintzat hartuta. Langilearen eta makinaren elementu guztien arteko interakzioak aztertzen dira, inplementazio ezin hobea lortzeko. Diseinu aurreratu duenez, makinak errazago egiten du lan eta errazagoa da, baita ere, makinaren zaintza. SORALUCEk makinen belaunaldi berria merkaturatu du, lan inguru ergonomikoagoarekin eta langilearentzat ahalik eta babes handienarekin. Horregatik, SORALUCEk Red Dot 2016 saria eskuratu du berriki, bere diseinu berritzaileagatik.
SORALUCE eta DANOBAT, Stuttgart-en izango dira irailaren 13tik 17ra, bertan ospatuko den AMB metalgintzarako azoka internazionalean.
Azokak bisitariek SORALUCEren fresatzeko, mandrinatzeko eta torneaketa bertikaleko soluzioak ikusi ahal izango dituzte 9. pabilioian A35 standean.
Bestalde, 8. pabilioian, C34 standean, DANOBAT LG, DANOBAT LT eta DANOBAT-OVERBECK ILD makinak aurrez aurre ikusteko aukera izango dute bertaratuek. Doitasun handiko DANOBAT LT tornua, urteotan artezketa eta torneaketan irabazitako esperientzia konbinatuz diseinatua izan da eta doitasun handienak lortzeko gai da kanpo zein barne artezketetan, gogorrean egindako torneaketan edo fresaketetan besteak beste. DANOBAT LG kanpo artezketarako makina, doitasun handienek dituzten eskakizunak arrakastaz burutu ditzake, makina hau soluzio bikaina bilakatuz autoetarako eta sektore hidraulikorako osagaien fabrikaziorako. DANOBAT-OVERBECK ILD barnealdeak artezteko makina, bestalde, garatutako azken soluzioa da eta pieza handien artezketan eskakizun zorrotzenak betetzeko gai da.
Gainera, SORALUCE eta DANOBATek sektore desberdinetarako garatu dituzten azken berrikuntza teknologikoak aurkeztuko dituzte.
DANOBAT eta SORALUCEk osagaien mekanizaziorako garatu dituzten azken berrikuntza teknologikoak aurkeztuko ditu Chicagon ospatuko den IMTS 2016 azokako hegoaldeko pabilioian, S-9453 standean, Irailaren 12tik 17ra.
IMTS-eko bisitariek DANOBAT HG lan astunetarako artezteko makina eta DANOBAT-OVERBECK IRD-400 barrualde, kanpoalde eta erradioak artezteko makina ikusi ahal izango dituzte. DANOBAT HG mahai mugikorreko artezteko makina gama, 5000mm arteko luzera duten osagaiak artezteko gai da eta beraz, besteak beste, sektore aeroespaziala, trenaren industria edota energia sorkuntza sektoreentzako aplikazioentzat aukera egokia da. Bestalde, DANOBAT OVERBECK IRD makina gama, barrualdeak, kanpoaldeak, erradioak, aurpegiak eta zilindrikoak ez diren formak artezteko diseinatua izan denez, soluzio paregabea da ebaketa tresnak, zeramikako piezak zein transmisio sistemen industriak edota Petroleo eta Gas industriak eska ditzakeen aplikazioetarako.
Pekingo Ritz-Carlton hotelean ospatu zituen 100 lagunekin batera DANOBATGROUPek Txinako delegazioaren 25 urteak. Ekitaldian agintariak, bezeroak, proiektu ezberdinetako partnerrak, jatorrizko etxeko zuzendariak, Txinan instalatutako Espainiako enpresetako ordezkariak, Txinako delegazioko langileak eta bertako komunikabideetako hainbat ordezkari bertaratu ziren.
Aipagarriak dira besteak beste Javier Serra jauna Espainiako Kontseilari Ekonomikoa Txinan; Manuel Galán jauna, Espainiako Merkataritza Ganbarako Zuzendari Nagusia, gaur egungo DANOBATGROUPeko zuzendari nagusia eta Mondragon Korporazioko lehendakari izendatuko duten Iñigo Ucin jauna; eta Pello Rodriguez jauna, gaur egungo DANOBAT kooperatibako zuzendari gerente eta DANOBATGROUPeko zuzendari Nagusi kargua hartuko duena Iñigo Ucinen ordez.
Proiektu honek europako fabrikazio-sektorearen gaitasuna handitzea du helburu, programatutako prozesuaren eta pieza errealaren arteko desfasea murriztuz
MC-SUITE proiektuak belaunaldi berri bat proposatzen du Informazio eta Komunikazioko Teknologietan (ezagunak IKT bere siglengatik), eta horrek ahalbidetuko du prozesuak simulatu eta tresnak optimizatzea neurketa fisiko eta kontrol zehatz bati esker. Era horretan, murriztu egingo da egun dagoen atalasea prozesu birtualen eta fabrikazio-prozesuaren artean.
Informazio eta Komunikazioko Teknologien (IKT) arloko aurrerapenak gure eguneroko bizitzak iraultzea lortzen ari dira. Aitzitik, fabrikazioaren sektoreak ez du lortu oraindik potentzial izugarri hori topera baliatzea. MC-SUITE proiektuaren azken helburua da iraultza berri horren ateak irekitzea fabrikazio-tailerrei. Egia esan, MC-SUITE proiekturako partzuergoak bete-betean sinesten du IKT errealek eragin izugarria izan dezaketela produktibitatean, euroapako enpresen gaitasuna eta esperientzia handituz; partikularki Enpresa Txiki eta Ertainena.
DANOBATGROUPek bere bi produktu markako, hau da, DANOBAT eta SORALUCEko azken garapen eta teknologiak izango ditu ikusgai Pekinen egingo den Nazioarteko makina erreminta eta CIMES erreminten erakustazokan.
DANOBATGROUPek W1 pabilioiko A501standean jarriko ditu ikusgai makinak. Makina aurreratuak dira erakustazokan ikusgai egongo direna, zehaztasun, fidagarritasun eta ekoizpen handia ziurtatzen duten makinak, eta mekanizazio prozesu aurreratuenei aurre egiteko diseinatuta daudenak, eskakizun maila handia eskatzen duten industria sektoreei zuzendutakoak eta informazio eta komunikazio teknologia modernoenetan oinarritutako zerbitzu aurreratuak disponibilitate handiena eskainiz eta programazioa, operazioa eta ekipoen mantentze lanetarako formazioa eskainiz.
DANOBATGROUP berriz ere egongo da present Bilboko Exhibition Centre-n . Kokapena 5. Pabilioko C-11 standean izango du, eta abangoardiako teknologiaren aldeko apustua erakutsiko du punta-puntako sektoreetara zuzendutako azken garapenen bidez.
BIEMH erakustazokaren 29. Edizio honetan DANOBAT eta SORALUCE gisa ezagutzen diren bere bi marken bidez Makina aurreratuen azken garapenak erakutsiko ditu; zehaztasuna, fidagarritasuna eta produktibitate handia ziurtatzen duten makinak hain zuzen ere, eta horretaz gain eskakizun handiko mekanizazio prozesuei aurre egiteko diseinatuta daudenak. Ekipo guztiek kalitate maila goreneko osagaiak dituzte zurruntasuna eta oreka dinamikoa eta termikoa ziurtatzeko makinaren bizitza osoan zehar, eta horretaz gain, kontrol sistema aurreratuak dituzte abiadura eta zehaztasun eskakizunei aurre egiteko. Gainera, eskakizun handiko industria sektoreetara zuzendutako balio erantsi handiko osagaiak fabrikatzeko garapen aurreratuak ere ikusteko aukera izango da. Garapen aurreratu hauek mekanizazio prozesuen esperientzia sendoaren ondorio dira, eta sektoreko enpresa liderrekin landu dira emaitza garapen erabat automatizatuak instalatu eta munduko edozein lekutan produzitzeko moduan jartzen direnak. Eskaintza zerbitzu aurreratuekin osatzen da, informazio eta komunikazio teknologia modernoenetan oinarrituta disponibilitaterik altuena ziurtatuz eta programazioan, operazioan eta ekipoen mantentze lanetan formazioa eskainiz.
SORALUCE FXR fresatzeko-mandrinatzeko makinak diseinuaren kalitatearen nazioarteko errekonozimendua jaso du, diseinuaren inguruko nazioarteko lehiaketarik garrantzitsuenean bere diseinuaren bikaintasuna erakutsi ondoren.
SORALUCE FXR fresatzeko-mandrinatzeko makina 5.214 hautagairen zifra errekorraren gainetik nabarmendu zen –hautagaiak 57 herrialdetakoak ziren–, eta irabazitako saria Red Dot: 2016ko Produktuaren Diseinua izan zen, aurtengo produkturik onenen artean aitortuta.
Red Dot sariko epaimahaia 41 diseinatzaile aditu independente, diseinuko irakasle eta kazetari espezializatuk osatu zuten, eta hautagaitza guztiak zuzenean eta bertatik bertara eztabaidatu zituzten, sari ospetsu horren arau zorrotzen arabera.
Makina-erreminten fabrikatzaile europarrak, fresaketa, mandrinaketa eta torneaketan aditua denak, iraultza ekarri du sektorerako DAS teknologia garatuta (Dynamics Active Stabilizer), zeinari esker European Quality Innovation of the Year eta Best of Industry sariak eskuratu berri dituen.
DAS teknologia, zeina seguruenik makina-erremintaren sektorearen iraultza izango baita, makinaren zurruntasun dinamikoa aktiboki areagotu dezakeen gailu bat da eta, ondorioz, makinaren ebaketa ahalmena %300 handitu ere egin dezake, mekanizazioan zehar ezegonkortasunaren arriskua (chatter) murriztuta. DAS sistemak ebaketarako gaitasun orokorra hobetzen du, azaleraren akaberaren kalitatea hobetzen du, eta tresnak apurtzeko arriskua gutxitzen du, muturreko ebaketa baldintzetan bizitza baliagarria luzatuta.
DAS Sistema berria aurkeztuko zaie bertaratuko direnei. Makina-erremintaren sektorearen etorkizuna lideratzen duen iraultza teknologikoa da, mekanizazio prozesuan chatterra agertzeko arriskua murrizten duena.
Würzburgo-ko Vogel Convention Centerren izan zen ‘Best of Industry Award’ 2015 sari entzutetsuaren banatze ekitaldia. SORALUCEk BEST OF INDUSTRY AWARD 2015 saria jaso zuen «txirbil harroketa» kategorian. DAS (Dynamics Active Stabiliser) berrikuntzarekin, SORALUCEren ikerketa eta garapen departamenduak patentea eskatu duenarekin, makinaren egonkortasun dinamikoa handitzeaz gain, txirbil harroketaren gaitasuna %300 arte handitu daiteke.
DAS sistema, lehen aldiz muga fisikoak gainditu dituen sistema, SORALUCE eta bere zentro teknologikoa den IK4-IDEKOren 4 urteko lankidetzari esker garatua izan da. Hainbat mekanizazio prozesutan egindako aproba praktiko sendoak, erabiltzaileen iradokizunetan oinarritutakoak izan dira, adibidez, makinak sortzen, sorgailuentzako prentsa eta osagaiak muntatzen edota erresistentzia handiko erreminta handiak ekoizten. Kasu guztietan lortu da mekanizazio denbora ia erdira jaistea.
SORALUCE, SAMUMETAL erakustazokaren (Pordenone, Italia) 2016ko edizioan aurkeztu da, markaren produktuen belaunaldi berriarekin, mantentze-lanetan, ergonomian, dinamika altuan eta laneko segurtasunean hobekuntza garrantzitsuak eskaintzen dizkionak bezeroari.
SORALUCEren makinen belaunaldi berria, erabiltzailearen ikuspuntutik egindako makinaren berrikuspen orokorrean oinarritzen da, eta Makina Osoa kontzeptuan oinarrituta eraginkortasun operazionalaren hobekuntzan zentratzen da. Makina Osoaren kontzeptuak, makina bera eta laneko eremu osoa barneratzen ditu.
SORALUCEren DAS sistemak makina-erremintaren sektorearen iraultza ekarri du, izan ere, sistemari esker mekanizazio prozesuan chatterrak agertzeko arriskua gutxitzen da eta, ondorioz, makinaren ebaketa ahalmena %300 handitzen da.
Atzo, urtarrilaren 27an, SORALUCEren DAS sistemak (Dynamics Active Stabilised) “Quality Innovation of the Year 2015” saria eskuratu zuen enpresa handien kategorian.Sarien banaketa Tallinnen egin zen, Estonian, eta bertan egon ziren SORALUCEko zuzendari gerente Rafael Idigoras, Iker Mancisidor doktorea, zeina IK4-IDEKOn, DANOBATGROUPen zentro teknologikoan, Dinamika eta Kontroleko ingeniaria den, Fernando Sierra, Euskaliteko zuzendaria eta Fernando García Casas, Espainiako Enbaxadorea
Estonian.
DANOBATGROUP taldeak euskararekiko eta euskal kulturarekiko atxikimendu eta sentsibilizazio berezia erakutsi ditu sorrera-sorreratik eta atxikimendu hori langileei begira zein gizarteari begirakoa da.
Gaur egun, eta duela urte batzuetatik hona DANOBATGROUPeko kooperatibek erabilera areagotzeko, langileen motibazioan eragiteko eta ezagutza handitzeko ahaleginean dihardute, eta 2008an DANOBAT kooperatibak eskuratu ondoren Zilarrezko Bikain ziurtagiria gainontzeko kooperatibak ere neurriak hartzen hasi ziren prozesu horretan sartzeko.
SORALUCE, A&B Laboratorios, TKNIKA, Vicomtech, Colegio Urkide Ikastetxea eta Osakidetza izan dira Euskadin 2015eko Quality Innovation of the Year saria irabazi dutenak. Enpresa hauek gainera Europako 2015eko Quality Innovation of the Year sariketan finalista ere aurkeztuko dira 2016ko urtarrilean Tallinnen (Estonia) aukeratuko delarik irabazlea. Lehiaketa Finlandian sortu zen 2007an produktuen, prozesuen, erakundeen eta bestelakoen arloan berrikuntzaren sorrera eta garapena sustatzeko helburuarekin. Besteak beste, herrialde hauek parte hartzen dute; Suedia, Lituania, Letonia, Estonia, Hungaria, Israel eta Euskaliten bitartez, Euskal Herria.
Rafael Idigorasek, SORALUCEko zuzendari nagusiak saria jaso zuen azaroaren 11an Euskalduna Jauregian antolatu zen ekitaldian.
SORALUCEk Technology Daysen bosgarren edizioa antolatu du bere Bikaintasun Zentroan, BIMATEC SORALUCEn, 2015eko azaroaren 17tik 21era. Bertan, SORALUCEren azken teknologia eta garapenak probatu ziren mekanizazio egoera errealetan, eta nabarmendu behar dira SORALUCEren azken belaunaldiko produktuak, DAS sistema berritzailea (Dynamics Active Stabiliser) eta 4.0 Industrian dauden azken berritasunak.
Ringier Trade Media Ltd. etxeak antolatuta, Fiera Milanoren eta Deustche Messeren lankidetzarekin, sariaren irabazleak epaile independentez osatutako epaimahai batek hautatzen ditu, eta produktuaren bikaintasun teknikoa baloratzen dute, Txinako industri metalurgikoari ekarpen tekniko esanguratsua egiten dion heinean. Saria entzute handiko erreferentzia da, eta Txinak berrikuntza teknologikoan ematen duen errekonozimendurik garrantzitsuena da.
2015ean sariaren 10, edizioa egin da, eta sektore enpresa garrantzitsuak lehiatu dira. Sariak zutabe mugikorreko fresatzeko makinak, SORALUCEren F gamakoak, CIMT 2015 azokan izan zuen eragina berresten du, orduan sartu zelarik Txinako merkatuan.
SORALUCEk eta Ekoizpen Nuklearrerako Ikerketa Aurreraturako Zentroak (Nuclear AMRC) epe luzeko lankidetza hitzarmena sinatu dute energia nuklearraren eta beste sektore berritzaile batzuen fabrikazio prozesuen garapena sustatzeko.
Nuclear AMRC 2009an sortu zen ekoizpen enpresen ezagutzak, praktikak eta esperientziak uztartzeko, unibertsitateen ahalmenarekin batera. Sheffield-eko Unibertsitateak zuzentzen du Manchester Dalton Nuclear Institute Unibertsitatearen laguntzarekin. 40 enpresa baino gehiago gehitu zaizkio Nuclear AMRC erakundeari, bai erreaktoreen hornitzaile eta lehen mailako hornitzaileak, bai eta ekipo eta zerbitzu espezializatuak eskaintzen dituzten hornitzaileak ere.
SORALUCEk Technology Days jardunaldiaren edizio berria egingo du, SORALUCEren azken teknologiak eta garapenak esperimentatzeko urteroko elkargune dena. Technology Days ekimena bere Bikaintasun Zentroa den BIMATEC SORALUCEn (Limburg, Alemania) egingo da azaroaren 17tik 21era.
Technology Days jardunaldiaren 5.edizio honetan, pauso bat haratago joan nahi da, lider jarrera erakutsiz berrikuntzan, bezeroarenganako orientazioan eta balioaren sorreran. SORALUCE bidai lagunik onena da bezeroarengandik hurbil dagoelako, adituen aholkularitza eskaintzen duelako, bai eta etengabeko bilakaera duten teknologiak, soluzio sendoak eta balio erantsia duten zerbitzu aukera zabala eskaintzen dituelako ere.
SORALUCEk EMO 2015 erakustazokan mekanizatu arloan abangoardiako soluzioak eskaintzearen aldeko apustua aurkeztu du, DAS (Dynamics Active Stabilizer) sistema berritzailea eta ergonomia eta segurtasuna bateratzen dituen bere makina generazio berria ezagutzera emanaz.
Azkartasuna, fabrikazio bolumen handia eta zehaztasuna handia produkzio prozesuetan eskakizun izaten diren parametroak dira. Parametroen barruan gutxitan izaten dira kontuan lanerako ingurua langilearen beharretara egokitzea, baina hau giltzarri da gorago aipatutako helburuak aurrera eraman daitezen bermatzeko.
Bilbao Exhibition Centre (BEC) eta Espainiako Makina Erreminta Fabrikatzaile, Osagai eta Erreminten Elkarteak (AFM) , elkarlanean antolatzen duten Espainiako Makina Erreminta Biurtekoa (BIEMH)sektoreko fabrikatzaile eta banatzaile nagusiei aurkeztu zaie Milango (Italia) EMO erakustazokan.
Ekitaldi honen aurkezpenaren parte bat SORALUCEren standean egin da, non Rafael Idigorasek, erakunde honetako zuzendari gisa BIEMHera joatearen garrantzia aipatu duen bere hitzetan aukera aparta delako punta-puntako garapen eta teknologiak ezagutu, berauetara hubildu eta eskuragarri izan daitezen bezeroen lehiakortasuna hobetzeko. Komentatu duen moduan teknologian inbertitzea ezinbestekoa da herrialde baten garapenerako eta inbertsio zuzen baterako lehen pausoa emateko BIEMH leku egokia da.
Markak egindako apusturik gizatiartuena, seguruena eta errentagarriena aurkeztuko du EMOn. SORALUCEk makina-erreminta sektorearen berrikuntzaren abangoardian jarraitzen du. Ekoizle europarrak horrela erakutsiko du beste behin ere Milango EMO Nazioarteko Azokan mekanizaziorako dituen soluzio aurreratu berriak aurkeztuko dituelarik. Horrela, Home of Innovation gisa finkatu da, SORALUCEren esperientzia zabala, euskarri teknologiko handia eta bezeroen iritziak kontuan hartzen dituen kontzeptua izanik.
Horrela bada, diseinuaren kontzeptu berria txertatzearen ondorioz merkatua goitik behera aldatuko duen makina sorta sortu du, langileen beharrei erantzuna ergonomia eta segurtasun handiagoarekin emateko.
DANOBATGROUPek bere bi produktu marketako, DANOBAT eta SORALUCE, teknologiarik aurreratuenak izango ditu ikusgai mundu mailan bi urtean behin egiten den makina erreminta erakustazokarik garrantzitsuenean. EMO 2015 erakustazoka hau Milanen egingo da urriaren 5etik 10era bitartean.
Erakustazoka honen garrantziaz jabetuta DANOBATGROUPek DANOBAT eta SORALUCEren berrikuntza eta produkturik aipagarrienak erakutsiko ditu hiru stand ezberdinetan, non azken generazioko teknologiarekin bi marka hauek duten konpromisoa erakutsiko den eskakizun maila altua duten sektoreei zuzendutako azkeneko soluzioekin.
8 herrialdetatik etorritako 50 gonbidatu baino gehiagorekin, Torneaketa Bertikaleko MASTERCLASSA eta Fresaketa eta Mandinaketari buruzko EXPOA egin zen 2015eko uztailaren 7tik 10era bitartean SORALUCEren instalazioetan, Espainian.
SORALUCEk Torneaketa Bertikalerako duen teknologiaren abantailak eta gakoak erakusteko helburua bete du, Xabier Mendizabalek (I+Gko zuzuendaria) aurkezturako MASTERCLASSaren bitartez eta ekitaldian erakutsi zen VTC-6000-Hberriaren esperientzia praktikoarekin.
DANOBATGROUPeko tren dibisioak, zeina liderra den osagai birakarien mantentze lanetarako eta ekoizpenerako giltza eskura erako soluzioetan zein osagai horien mekanizaziorako makina indibidualen fabrikazioan, iragarri du webgune berria abian jarriko duela railways.danobatgroup.com. Gune horretan, taldeak DANOBAT eta SORALUCE marketako produktu estrategikoak, berritzaileak eta azken teknologia dutenak erakutsiko ditu, esaterako, DANOBAT hobiko tornua: tren ardatza desmuntatu beharrik gabe tren gurpilen eta freno diskoen mantentze lanak egiteko gai den makina bat.
Taldeak web orri berri horren bitartez urrats bat gehiago eman nahi izan du tren sektoreko bezeroekiko konexioan. Gutxiago gehiago dela dioen printzipioa oinarritzat hartuta, gune horretan soluzio bakoitzari buruzko informazio zehatza eta indibidualizatua dago
SORALUCEk Petrolioa eta Gas sektorerako SORALUCE KB-150-Wmandrinatzeko makina horizontal berria Houstonen aurkeztuko du ekainaren 15etik 25era bitartean.
Aurkezpenean SORALUCEk garatutako teknologiak makina berrira aplikatuta erakutsiko dira, errefrigerazio sistemari esker lortutako kainaren erabateko egonkortasun termikoa besteak beste. Ezaugarri ezberdinetako mekanizazio probak egingo dira lan baldintza errealetan zehaztasuna, sendotasuna, malgutasuna eta automatizazioa demostratzeko, makinak eskaintzen duen errendimendu handia eta dinamika altuak barne.
DANOBATGROUPek Moskuko metalurgia industriarako ekipamenduak, lan tresnak eta erreminten nazioarteko erakustazokan hartuko du parte 2015ko maiatzaren 25tik 29ra bitartean. DANOBATGROUPek DANOBAT eta SORALUCE marken berrikuntzak emango ditu ezagutzera bai artezketa, torneaketa, fresaketa-mandrinaketa, ebaketa eta zulaketa, puntzonaketa, tolesketa eta laser bidezko ebaketan 3. Pabilioiko B90 standean.
Metalloobrabotka nazioarteko erakustazoka Errusiako ekonomiaren garapen berritzailerako aurrekaririk gabeko goi mailako teknologiadun produktuen iturri da. Ingeniaritza errusiarrean teknologia aurreratuko teknologia arloko soluzioak sartuz, erakustazoka honek batetik Errusiako ekonomia berritzailea bultzatzen du, eta bestetik punta-puntako garapen teknologikoak produktu bilakatzeko transformazioa eta industriaren sektore guztietan aplikatzea azkartzen du.
DANOBAT eta SORALUCE artezketa, torneaketa, fresatze-, mandrinatze-, ebakitze- eta zulatze- soluzioak maiatzaren 18tik 23ra FEIMAFE 2015 azokan aurkeztuko dira, N200 standean, Anhembi Esposizioen Pabilioian, Sao Paulo, Brazil hirian.
DANOBAT eta SORALUCEk bikaintasun teknologikoa, zehaztasun handiko produktuak eta bezeroaren beharretara egokitzeko gaitasun berezia adierazten dute. Honen emaitza gisa lehen mailako soluzio lehiakorrak eskaintzen dira.
DANOBATGROUPek bere bi produktu marken, hau da DANOBATeta SORALUCE marken azken aurrerapen eta teknologiak erakutsiko ditu CIMT 2015ean, makina erreminta arloko Txinako nazioarteko erakustazokaren 13. edizioan.
DANOBATGROUPek E2 pabilioiko 201 estandean ondorengo makinak jarriko ditu ikusgai: zutabe mugikordun fresaketa eta mandrinaketarako neurri handiko SORALUCE FXR 16000-W , barneak eta erradioak artezteko DANOBAT-OVERBECK artezteko makina, IRD modeloa, eta DANOBAT hobidun tornua trenen errodadura eta trenetarako balaztatzeko diskoen mantentze lanetarako. Era berean, estandean maketa bat ere izango da muntatutako ardatzen fabrikazioa, ikuskapena eta muntaketarako giltza eskura proiektuaren xehetasunak ikusteko. Proiektu hau India Railways-erako egiten ari da eta guztira 15 ekipo ditu, ardatzak eta gurpilak mekanizatzeko makina, osagaiak manipulatzeko robot sistema bat eta lerroaren kontrol integralerako gailu informatikoa, besteak beste. Honekin guztiarekin batera beste produktu batzuei buruzko informazio zehatza ere emango da: artezteko makinak, tormuak, fresatzeko-mandrinatzeko makinak, puntzonatzeko makinak, tolesteko makinak, laser bidezko ebaketako makinak eta trenen sektorea eta oil&gaserako giltza eskura soluzioak.
DANOBAT eta SORALUCE artezketa, torneaketa, fresatze-, mandrinatze-, ebakitze- eta zulatze- soluzioak apirilaren 7tik 10era INDUSTRIE 2015 azokan aurkeztuko dira, 6-S57 standean, Eurexpo gunean, Lyonen.
Aurreko urteetan bezela, bi markek tokiko zein nazioarteko bezeroekiko harremanak indartzea nahi dute, eta azoka bisitatuko duten guztiei teknologia aurreratuena duten makina-erremintak eta ingeniaritzako soluzio teknikoak erakutsi.
Mekanizazio prozesuetarako SORALUCE fresaketa, mandrinatze eta torneatze soluzioak mundu osoan DUROC izendapenarekin zabaltzen ari dira SORALUCE produktuen banatzaile gisa. SORALUCE makinak bost kontinenteetan barrena zabalduta daude eta fresaketa, mandrinatze eta torneatze bertikalaren teknologian mundu mailako erreferente dira.
Makinen diseinu, muntaia eta egiaztapen osoa Euskal Herrian dituen lau lantegietan (Espainiaren iparraldean) eta Limburg-ko (Alemania) zentro teknologiko batean egiten dira, baita makina buruen fabrikaziorako gune aurreratuan ere. Horrela, maila altuko teknologia eskaini eta industria zorrotzenak lantzen dira, hasi ekipo-ondasunekin eta energia sektorera arte.
Azken SORALUCE garapenak INTEC 2015 Industriarako Teknologi, Makina Erreminta eta Ekipamendu Berezien Nazioarteko Azokan daude erakusgai, otsailaren 24tik 27ra Leipziger Messen (Leipzig, Alemania).
SORALUCEren soluzioak bere tokiko filialaren bidez aurkeztu dira, BIMATEC SORALUCE Zerspanungtechnologie GmbH; 5. Pabiloiko C04 Standean. Bertan bankada finkodun SORALUCE TR-35 fresatzeko makina eta MODULAR QUILL kaina modular irteera(mundu mailako patentea) daude erakusgai.
DANOBATGROUPek azkeneko DANOBAT teknologia eta garapenak jarriko ditu ikusgai Texas-eko HOUSTEX erakustazokako 1449 standean otsailaren 26tik 28ra bitartean.
Sektorerako beste soluzio batzuen artean tutuak mekanizatzeko DANOBAT TTB tornu horizontala izango da. DANOBAT TTB tornuaren ezaugarrietako bat makinaren zurruntasuna da eta torneaketa eta hariztaketa operazioetan txirbila begien bistatik desagertaraztea da. Horretaz gain, makinak karga/deskarga sistema ere izan dezake barneratua, posizionamendu kanalak, erreminta zehatzetarako soluzioak, mekanizazio prozesuak, CNC programazioa eta langileentzako formazioa bezero bakoitzaren behar zehatzei erantzuteko.
Petrolio eta Gas sektoreetara zuzendutako Mekanizazio Jardunaldiak antolatu ditu SORALUCEk. Jardunaldi horietan KB-150-W-Ram Mandinatzeko Makina Horizontal berria aurkeztuko da, petrolio eta gas sektoreetako osagaien mekanizaziorako berariaz diseinatutakoa, hain zuzen ere.
Jardunaldietan KB-150-W-Ram makinan hainbat mekanizazio proba egingo dira zuzenean, esaterako, blowout preventer, wing block, master valve block, connector body, eta abar.
SORALUCEk HIPPOCAMP proiektuan parte hartuko du, egitura metalikoak edo polimerikoak dituzten piezetan nanokonposatuak baztertu ahal izateko fabrikazio-prozesu berri batean oinarritzen den proiektuan. Helburua material berri bat sortzea da, zurruntasun handia eta moteltze-gaitasun handia uztartuko dituena.
Material berri horrek egitura metalikoak edo polimerikoak estaltzeko balioko du, gainerako propietate mekanikoetan aldaketarik egin gabe moteltzea areagotzea lortzeko. SORALUCEren zeregin nagusia moteltze-gaitasuna gehitzen lagunduko duen fresatzeko kaina bat garatzea da.
DANOBATGROUP Indiak azkeneko DANOBAT eta SORALUCE aurrerapen eta teknologiak erakutsiko ditu 4. pabilioiko B-110 standean, Indiako IMTEX 2015 makina erremina erakustazokako 17. edizioan.
DANOBATGROUPek SORALUCE FP-6000 fresatzeko-mandrinatzeko makina jarriko du erakusgai. Makina honek luzetarako 6000 mm-ko ibilbidea du, 3200 mm-ko ibilbide bertikala eta 1500 mm-ko ibilbide transbertsala. Buru ortogonala du 1ºx1º bakoitzean indexatu daitekeena, 37 kW-eko motorra 4000 bira egiten dituena minutuko, eta 20 posizioko erreminta biltegia. Torneaketa bertikaleko SORALUCE VTC 6000 zentroaren maketa bat ere egongo da ikusgai, eta baita India Railways-erako egiten ari den fabrikazio, ikuskapen eta ardatzen muntaketako giltza eskura lerroaren proiektuko maketa, 15 ekipo dituena eta horien artean ardatzak eta gurpilak mekanizatzeko makinez gain robot sistema bat osagaien manipulaziorako eta lerroaren kotrol integraturako gailu informatikoa. Horrrekin guztiarekin batera oil & gas, aeroespaziala, energia, ekipo ondasunak eta azpikontratazio tailerrei buruzko informazio zehatza ere emango da eta artezturiko aplikazio pieza batzuk ere egongo dira erakusgai.
