5.jpg)
Danobatek, sektore automobilgintza, aeroespaziala, trengintza eta energia sektoreentzat ekoizten dituen makina erreminta eta ekoizpen sistemen mundu mailako fabrikatzaileak, Rolling Meadowsen (Illinois) egoitza berri bat irekitzeko asmoa iragarri du gaur. Inbertsioak lanpostu berriak ekarriko ditu eskualdera, zazpi langileko hasierako plantillarekin eta etorkizunean gehitzeko planekin.
Gaur, Hannoverren (Alemania) egiten ari den EMO azokaren baitan, euskal fabrikatzaileak eta enpresa holandarrak, gogorrean doitasunez torneatze lanetan liderra denak, erosketa akordioa egin dutela iragarri dute.
METALWORKING nazioarteko erakusketa bat da metalaren industriarako ekipo, gailu eta tresnetan espezializatua.
BIMU munduko erakusketa handienetako bat da, bere tipologian. Hainbat enpresak makina-erremintarako robot automatizatuak eta egiturak eta osagaiak prozesatzeko azken berrikuntzak aurkeztuko dituzte.
Erreferentzia proiektu kopuru handiarekin eta garraioaren teknologiako 220 enpresa baino gehiagorekin, Berlin alemaniako garraio ingeniaritzaren industriako ardatz nagusia da, bidaiari eta merkantzien garraioaren sektoreko fabrikatzaile eta bezero nazional eta nazioartekoentzako plataforma. Erakusketako gai nagusiarekin, tren garraiobidearen teknologia (Railway technology), INNOTRANSek nazioarteko postua lortu du plataforma bezala, sektoreari dagokionean. Erakusketa eremura lotura zuzenarekin pabilioien barruan errailen gainean ibilgailu espektro zabala aurkezten da. Azoka monografikoaren beste gai printzipalak, trenbidearen azpiestrukturara, barruak, garraiobide publikoa eta tunel eraikuntza dira.
AMB, Metalurgiaren Nazioarteko erakusketa, urteetan zehar industriako ekitaldi nagusitzat hartu da eta industriaren munduko 5 erakustazoka hoberenen artean kokatzen da. 2018ko irailean berriro ere ia 30 herrialdetako 1,300 erakusle baino gehiagok azken berriak aurkeztuko dituzte makina erremintei, prezisio erremintei eta metalen mozketarako produktuei dagokionean. AMB 2018 urtean industriaren puntu gailena izango da.
IMTS 2016 manufaktura-teknologiaren hogeita hamaikagarren edizioa da, Ipar Amerikan. 1,900 enpresa erakuslek 1,240,863 oin karratu garbiko erakusketa espazioa beteko dute Chicago, Illinois, McComick Place aretoan. IMTS urte bakoiti guztietan ospatzen da Chicagon eta 100,000 erosle baino gehiago eta 112 herrialde baino gehiagotako saltzaileak erakartzen ditu.
Estatu mailan erreferente eta espezialitate horretako Europako hirugarren erakusketa garrantzitsuena den Makina-erremintako Nazioarteko Erakusketak makineria erreminta, osagai eta gehigarri, automatizazio, metrologia, kalitate kontrol eta beste hainbat alderditako garapen berriak aurkeztuko ditu.
DANOBAT BIEMH azokan egongo da, (Stand C/03 – 5. Pabilioian), maiatzak 28tik ekainaren 1 bitartean. Bertan aurkeztuko ditu bere azken erantzi handiko soluzio aurreratuak eta industria digitalerako dituen zerbitzuak.
Bere parte hartzean zehar IRD-400, barrualdeak, kanpoaldeak, aurpegiak eta erradioak artezteko makina aurkeztuko du, DANOBAT-OVERBECK Alemaniako filialarena. Makina hau bereziki diseinatua izan da presizio handiko konponenteen fabrikaziorako.
Gainera, enpresak aukera izango du balio digitalaren proposamena partekatzeko, 4.0 industriaren kontzeptuetan oinarritzen diren garapen teknologiko propioak txertatuta dituena eta adimendun fabrikazio guneen sorreran urratsak emateko helburu duena, elkarrekin konektatutako ekipamenduekin hornitua dagoena eta modu autonomoan funtzionatzeko gaitasunarekin.
Maiatzaren 14tik 18ra, DANOBATGROUP berriro egongo da erakusketari Moskuko METALLOBRABOTKA azokan, Errusian urtero egiten den makina-erreminten azokarik garrantzitsuenean, alegia.
DANOBATek, makina-erreminten eta ekoizpen sistema aurreratuen fabrikatzaileak, doitasun handiko tornu bat garatu du NBI industria taldeko kidea den NBI Bearings Europe errodamenduen fabrikatzailearentzat.
DANOBAT GRINDTEC azokan egongo da, honako hau Augsburgon (Alemanian) ospatuko da Martxoaren 14 eta 17 bitarte.
DANOBATek artezgailuetan bere aurrerakuntza teknologikoak erakutsiko ditu, artezketaren zehaztasuna lortzen duen torneatu gogorrerako tornu batekin batera.
Hortaz gain, enpresak bere balio digitaleko proposamena elkarbanatzeko aukera izango du, 4.0 industriaren aurrerakuntza kontzeptuetan oinarritutako garapen teknologiko propioak, fabrikazio espazio adimentsuak sortzeko aurrera pausua emateko helburuarekin, interkonektatutako ekipamenduz hornituriko eta funtzionamendu autonomoko gaitasuna duten espazioak sortuz.
Enpresa taldeak presentzia nabarmena edukiko du datorren abenduaren 27an egingo den Gipuzkoa Talent Forum jardunaldian.
Gipuzkoako enpresek karrera profesional arrakastatsua garatzeko eskaintzen dituzten aukeren berri ematea da topaketaren xedea.
Ekonomialariek eta lan merkatuaren azterketetan aditu direnek egindako azken azterlan guztietan datu garrantzitsu bat aipatzen da: etorkizuneko lanbide gehien-gehienak ez dira gaur egun existitzen. Txosten batzuek, gainera, esaten dute kopuru hori %85ekoa izango dela 2030ean. Aldaketa prozesu hau teknologia digitalen iraultzaren babespean gertatzen ari da, eta bere ondorioa da duela urte gutxi batzuk urrutian ere agertzen ez ziren profil berriak eskatzen ari direla.
DANOBAT eta GOIMEKeko ordezkariek abenduaren 13an jaso zuten BIKAIN ziurtagiria Euskalduna Jauregian Bingen Zupiria Kultura eta Hizkuntza Politikako sailburua eta Miren Dobaran Hizkuntza Politikako sailburuordea buru zirela egindako sari banaketa ekitaldian.
DANOBATGROUPeko enpresak apustu garrantzitsua ari dira egiten kooperatibetan euskararen erabilera handitu, normalizatu eta kudeatzeko lanetan. Horren adierazgarri da enpresa taldeak gizartearekiko konpromisoaren baitan euskararekiko daukan erantzunkidetasuna, bai eta azken hogei urteetan euskararen erabilera handitzeko helburuarekin eman dituen urratsak ere.
DANOBATek AUSRAIL PLUS 2017 azokako 517. standean erakutsiko ditu material biragarriaren fabrikazio eta mantentze-lanetarako egin dituen azken garapenak– bai gurpil eta ardatzak, bai eta muntatutako ardatz eta boggiak, erabat automatizatutako makina indibidualak zein giltza eskura makinak eskainita- bai eta 1. mailako mantzetze-lanetarako tailerrentzako soluzioak erakutsi ere.
Soluzio aurreratuak, produkzioa eta doitasuna behar duten trenen sektorerako garatuta daude bereziki.
Gainera, balio digitalaren proposamena partekatzeko aukera izango da, 4.0 industriaren kontzeptuetan oinarritzen diren teknologia propioen garapenekin osatuta dagoena eta fabrikazio adimendunerako espazioen sorreran urratsak emateko helburua duena, bai eta eta interkonektatuta dauden eta autonomoki funtzionatzeko ahalmena duten ekipamenduekin hornitua dagoena ere.
DANOBATGROUPek, makina-erreminten eta sistema aurreratuen fabrikatzaileak, presentzia nabarmena eduki du egun hauetan Gipuzkoako Zientzia eta Teknologia Parkean egiten ari den Makina-erreminten eta Fabrikazio Aurreratuaren Kongresuan.
Gaur eman zaio hasiera hitzorduari eta ostiralera arte luzatuko da, eta bere asmoa da fabrikazioaren sektorearen joeren berri ematea. Aurten, berriz, arreta berezia egingo zaio ekoizpen prozesuen digitalizazioari.
Fabrikazio berritzaileen garapenaren aldeko apustua eta balio digitalerako egindako proposamena ezagutarazteko helburuarekin, DANOBAT makina-erreminten eta produkzio sistemen ekoizleak presentzia nabarmena izango du Hannoverren egingo den EMO azokaren hurrengo edizioan. Hitzordu honetan ekoizleak guztiz berriak diren hiru garapen merkaturatuko ditu, erabateko doitasuna duten artezketarako eta torneaketarako makina birdiseinatuen gama aurkeztuko du eta balio erantsi handiko zerbitzuen eskaintzaren berri emango du.
Europan industria fabrikazioaren sektorearentzat azoka garrantzitsuenetakoa den hitzordu hau agertoki izango da erakundearentzat, konplexutasun tekniko handia eta produktibitate handia duten artezketarako eta torneaketarako birdiseinatutako makinen gama aurkezteko.
DANOBAT makina-erremintaren fabrikatzaileak, doitasun handia duen eta ebaketarako disko asko dituen soluzioa garatu du sektore estrategikoetan erabiltzen diren altzairuzko hodientzat, hala nola, oil&gas, automobilgintza eta errodamenduen fabrikatzaileen sektoreetarako.
Artezketa, piezak industrian konformatzeko metodorik garrantzitsuenetako bat da. Horrela sortutako piezen doitasun handia eta ateratzen diren gainazalen kalitate bikaina dira bere onurak. Gainera, material desberdinak mekanizatzeko prozesu ezin hobea da. Erremintetarako altzairuak edo plastikoak mekanizatu daitezke, bai eta materialik gogorrenak ere, hala nola metal gogorrak, material zeramikoak edo diamantezkoak. Horrek, ordea, eskatzen du erabilitako makinek goren-goreneko baldintzak edukitzea doitasunari dagokionez. Txantxetan, sektorean esan ohi da horretarako „µ zatitu“ beharko litzatekeela. Fabrikatzaile liderretako batekin hitz egin dugu.
DANOBATGROUPek bigarren urtez jarraian parte hartuko du WORKinn enplegu foroan. Hitzordua ekainaren 7an eta 8an izango da, Bilbao Exhibition Center azoka esparruan, eta bere helburua da industri enpresa ezagunen eta sektoreko profesionalen arteko harremanak sendotzea.
Foroak, zeina industriako fabrikazioari lotutako beste hainbat azoka, hala nola Addit 3D eta Maintenance Bilbao, egiten ari diren une berean egingo baita, ingeniaritzako eta fabrikazioko adarretan espezializatutako talentu berriak identifikatzeko gune bat izan nahi du, baina beste zeregin ere badu, sektore pribatuaren posizionamendua bultzatzeko lekua izatea, sektore pribatua kalitateko enplegu eragilea den heinean.
Beste behin ere DANOBATGROUP erakusketari egon da Moskuko METALLOBRABOTKA azokan, Errusian urtero egiten den makina-erreminten azokarik garrantzitsuenean, alegia.
Edizio honetan DANOBATGROUPEK DANOBATen eta SORALUCEren soluzio eta teknologiarik berrienak erakutsi ditu, azpimarratuta makina aurreratuetan duen eskaintza, azken teknologiak eta osagai adimendunak baitituzte (aparteko garapenak, piezen akaberan doitasun handiagoa eta produktibitate handiagoa lortzen uzten dutenak); balio erantsi handiko osagaien fabrikaziorako soluzio espezializatuak industri sektorerik zorrotzenetarako; bai eta giltza eskura erako instalazioen proiektuetan eskaintza ugari ere, tartean direla aurretiazko ingeniaritza lanak hartzen dituzten proiektuak, mekanizazio eta ikuskapen prozesuen azterketa, zehaztapen teknikoak eta ekipoen hornidura, piezen garraiorako sistemak eta lerro osoa munduko edozein tokian instalatu eta prest jartzeko lanak, esaterako.
DANOBAT-OVERBECK Alemaniako Essen-eko METPACK azokan egongo da maiatzaren 2tik 6ra.
Biltegi-erreminten sorta zabala ekoizteko eta konpontzeko balio duten DANOBAT-OVERBECK IRD artezketa- makinek, ekoizpen malgu eta merkearen kontzeptu berritzailea ezarri dute, molde eta matrizeen fabrikaziorako erreminta sorta osora bideratuta eta egonkortasun eta produktibitate handia eskainita.
DANOBATeko xafla transformaziorako dibisioak, NL Mexikoko Monterrey hiriko Cintermex-en egingo den FABTECH 2017 erakustazokaren 14. edizioan hartuko du parte maiatzaren 5tik 7ra bitartean.
Mexikon egingo den nazioarte mailako makina erreminta erakustazoka bat izango da. DANOBAT SHEET METAL 1705-1505 estanean kokatuko da, bere agente Mexikon batera, DISMA. Bertan, DANOBAT-en puntzonatzeko makinen artean teknologikoki aurreratuena den CHROMA puntzonatzeko makina elektrikoaerakutsiko da. Lortzen dituen produktibitate eta prezisio altuei esker soluzio egokiena da ekoizpen behar handienak asetzeko. Puntzonatze kadentzi oso altuak lortzeko gai den 30 tonako motore serbo-elektriko batekin dago hornitua.
DANOBATGROUPek OPEN HOUSE 2017 jardunaldiak egingo ditu apirilaren 26 eta 27an Herbornen (Alemanian) duen ekoizpen lantegian.
Berriro ere DANOBATGROUP Pekingo CIMT azokan egon da erakusketari. Txinan egiten den makina-erreminten azokarik garrantzitsuena da, bi urtean behin egiten da, eta aurten azokaren 15. edizioa egin da.
Edizio honetan DANOBATGROUPEK DANOBAT eta SORALUCEenpresen soluzio eta teknologiarik berrienak erakutsi ditu, azpimarratuta makina aurreratuetan duen eskaintza, azken teknologiak eta osagai adimendunak baitituzte (aparteko garapenak, eta piezen akaberan doitasun handiagoa eta produktibitate handiagoa eskaintzea ahalbidetuta); balio erantsi handiko osagaien fabrikaziorako soluzio espezializatuak industri sektorerik zorrotzenetarako; bai eta giltza eskura erako instalazioen proiektuetan eskaintza ugari ere, tartean direla aurretiazko ingeniaritza lanak hartzen dituzten proiektuak, mekanizazio eta ikuskapen prozesuen azterketa, zehaztapen teknikoak eta ekipoen hornidura, piezen garraiorako sistemak eta lerro osoa munduko edozein tokian instalatu eta prest jartzeko lanak, esaterako.
DANOBAT makina-erremintaren ekoizleak kablerik gabeko ebaketa-soluzio aitzindaria garatu du automobilgintza eta energia sortzaile bezalako balio erantsi handiko sektoreetan erabiltzen diren dimentsio handiko altzairuzko lingoteak ebakitzeko diseinatua.
DANOBAT diseinuan, prozesuetan eta proiektuetan kualifikazio handia duten profesionalez osatua dago eta bezeroekin lankidetza estuan aritzen dira bezeroen nahiak entzun eta ulertzeko eta beharretara egokituko diren mekanizazio soluzioak eskaintzeko.
IMTEX 2017 Indiako makina-erremintaren azokarik garrantzitsuena da eta DANOBATGROUP bertan egongo da torneaketan, artezketan eta fresaketan DANOBAT eta SORALUCEk egindako azken garapen eta teknologiak aurkezten.
Azokaren edizio honetan, DANBATGROUPek bereziki azpimarratuko ditu hainbat industriatara zuzendu dituen azken garapenak, industria hauetarako esaterako:
Trenean espezializatutako DANOBATGROUPen dibisioak bere merkatua handitzen jarraitzen du, Bombardier Transportation enpresaren eskari garrantzitsu bat eskuratu baitu. Kanadako enpresak kontratu bat esleitu dio kooperatibari, tren gurpilen birprofilaketarako DANOBAT etxearen hobidun tornu bat hornitzeko.
DLR modeloak tren gurpilak eta freno diskoak mekanizatu ditzake. Ibilgailura akoplatutako ardatzekin lan egiteko aukera ematen du, bai eta ardatz eta bogie askatuekin ere. Konfigurazio asko dituenez, egin ditzakeen mekanizazioak ere bat baino gehiago dira: gurpilen profila, gurpilaren barrualdeko eta kanpoaldeko aurpegia, ardatzaren barruan edo muturrean dauden freno diskoak, baita gurpilean daudenak ere.
Konpositezko piezak akatsik gabe fabrikatzea industria aeronautikoan
Industria aeronautikoan oso maila handia lortu behar da kalitate estandarretan karbono zuntzez eginiko piezen fabrikazioan. Horri ematen zaion konponbidea da, prozesuari amaieran azterketa bat egitea eta akatsak dituzten piezak birprozesatzea. Gainera, “in situ” azterketa bisuala erabiltzen da kalitate-kontrola egiteko, eta horrek produktibitate galera handia eragiten du lay up-ean, eta botila-lepo bilakatu da karbono zuntzezko piezen fabrikazioan. ZAero proiektuaren egitasmoa da arazo horiei soluzioa aurkitzea funtsezko prozesuetan txertatuta joango diren kalitate kontrolerako metodoak garatuz: lay-up automatikoa (zuntz lehorra lagatzea eta ADMP– Automated Dry Material Placement) eta ontzea.
DANOBATek aldakortasun handiko bi makina garatu ditu artezteko, Grupos Diferenciales enpresa arabarrarentzat. Artezteko makina horiekin neurri handiko piezak torneatu, arteztu eta neurtu daitezke, oso prozesu eraginkorraren bitartez eta kalitaterik handiena bermatuta.
Erronka
Grupos Diferenciales enpresa arabarra transmisio mekanikoetarako engranaje aurreratuetan espezializatuta dago, besteak beste automobilgintzan, itsasoko garraioan, trengintzan edo aeronautikan erabiltzeko, eta teknologiko aurreratuak diren eta balio erantsi handia duten lanak egiten ditu mekanizatzen zailak diren eta perdoi zorrotzak dituzten materialak erabiliz.
Bere efizientzia eta lehiakortasuna areagotzen utziko dioten soluzio teknologikoak bilatzen ari da etengabe, eta etengabeko bilaketa horretan beharrezkoa zuen soluzio malguak, egokikorrak eta kustomizazio maila handikoak aurkitzea, piezak behin lotuta bukatu ahal izateko.
DANOBATek trenen mantentze lanetarako tailerretarako ekipamendua aurkeztuko du Innotrans erakustazokako 22A pabiloiko 601 standean. Besteak beste, prebentzioko soluzioak eta soluzio zuzentzaileak aurkeztuko ditu ibilgailu sorta zabalerako, hala nola, abiadura handiko tren, lokomotora, aldiriko tren, tranbia eta metroetarako.
Horrez gain, material gurpildunetarako osagaien mantentze lanetarako soluzio integral bat ere erakutsiko du DANOBATek. Soluzio berriak tren gurpilak neurtzeko ekipamendu bat, Muntatutako Ardatzak Optimizatzeko Software bat eta hobiko tornuen sorta berri bat dauzka. Muntatutako Ardatzaren bizitza %25 luzatzeko eta mantentze lanen kostua murrizteko egin da soluzio integral hau.
SORALUCE eta DANOBAT, Stuttgart-en izango dira irailaren 13tik 17ra, bertan ospatuko den AMB metalgintzarako azoka internazionalean.
Azokak bisitariek SORALUCEren fresatzeko, mandrinatzeko eta torneaketa bertikaleko soluzioak ikusi ahal izango dituzte 9. pabilioian A35 standean.
Bestalde, 8. pabilioian, C34 standean, DANOBAT LG, DANOBAT LT eta DANOBAT-OVERBECK ILD makinak aurrez aurre ikusteko aukera izango dute bertaratuek. Doitasun handiko DANOBAT LT tornua, urteotan artezketa eta torneaketan irabazitako esperientzia konbinatuz diseinatua izan da eta doitasun handienak lortzeko gai da kanpo zein barne artezketetan, gogorrean egindako torneaketan edo fresaketetan besteak beste. DANOBAT LG kanpo artezketarako makina, doitasun handienek dituzten eskakizunak arrakastaz burutu ditzake, makina hau soluzio bikaina bilakatuz autoetarako eta sektore hidraulikorako osagaien fabrikaziorako. DANOBAT-OVERBECK ILD barnealdeak artezteko makina, bestalde, garatutako azken soluzioa da eta pieza handien artezketan eskakizun zorrotzenak betetzeko gai da.
Gainera, SORALUCE eta DANOBATek sektore desberdinetarako garatu dituzten azken berrikuntza teknologikoak aurkeztuko dituzte.
DANOBAT eta SORALUCEk osagaien mekanizaziorako garatu dituzten azken berrikuntza teknologikoak aurkeztuko ditu Chicagon ospatuko den IMTS 2016 azokako hegoaldeko pabilioian, S-9453 standean, Irailaren 12tik 17ra.
IMTS-eko bisitariek DANOBAT HG lan astunetarako artezteko makina eta DANOBAT-OVERBECK IRD-400 barrualde, kanpoalde eta erradioak artezteko makina ikusi ahal izango dituzte. DANOBAT HG mahai mugikorreko artezteko makina gama, 5000mm arteko luzera duten osagaiak artezteko gai da eta beraz, besteak beste, sektore aeroespaziala, trenaren industria edota energia sorkuntza sektoreentzako aplikazioentzat aukera egokia da. Bestalde, DANOBAT OVERBECK IRD makina gama, barrualdeak, kanpoaldeak, erradioak, aurpegiak eta zilindrikoak ez diren formak artezteko diseinatua izan denez, soluzio paregabea da ebaketa tresnak, zeramikako piezak zein transmisio sistemen industriak edota Petroleo eta Gas industriak eska ditzakeen aplikazioetarako.
Pekingo Ritz-Carlton hotelean ospatu zituen 100 lagunekin batera DANOBATGROUPek Txinako delegazioaren 25 urteak. Ekitaldian agintariak, bezeroak, proiektu ezberdinetako partnerrak, jatorrizko etxeko zuzendariak, Txinan instalatutako Espainiako enpresetako ordezkariak, Txinako delegazioko langileak eta bertako komunikabideetako hainbat ordezkari bertaratu ziren.
Aipagarriak dira besteak beste Javier Serra jauna Espainiako Kontseilari Ekonomikoa Txinan; Manuel Galán jauna, Espainiako Merkataritza Ganbarako Zuzendari Nagusia, gaur egungo DANOBATGROUPeko zuzendari nagusia eta Mondragon Korporazioko lehendakari izendatuko duten Iñigo Ucin jauna; eta Pello Rodriguez jauna, gaur egungo DANOBAT kooperatibako zuzendari gerente eta DANOBATGROUPeko zuzendari Nagusi kargua hartuko duena Iñigo Ucinen ordez.
DANOBATGROUPek bere bi produktu markako, hau da, DANOBAT eta SORALUCEko azken garapen eta teknologiak izango ditu ikusgai Pekinen egingo den Nazioarteko makina erreminta eta CIMES erreminten erakustazokan.
DANOBATGROUPek W1 pabilioiko A501standean jarriko ditu ikusgai makinak. Makina aurreratuak dira erakustazokan ikusgai egongo direna, zehaztasun, fidagarritasun eta ekoizpen handia ziurtatzen duten makinak, eta mekanizazio prozesu aurreratuenei aurre egiteko diseinatuta daudenak, eskakizun maila handia eskatzen duten industria sektoreei zuzendutakoak eta informazio eta komunikazio teknologia modernoenetan oinarritutako zerbitzu aurreratuak disponibilitate handiena eskainiz eta programazioa, operazioa eta ekipoen mantentze lanetarako formazioa eskainiz.
DANOBAT LG-1000 artezteko makina gama honetako makinen hedapen bat da, modelorik handiena bihurtuz. Kanpoaldeak eta barnealdeak artezteko gai den konfigurazio horizontaleko makina honek prestazio gehiago ere baditu eta piezak arteztu ditzake puntu arteko 1000 mm-ko distantzia maximoan. Espeka edo diametro eszentrikoen moduko osagaiak ere arteztu ditzake.
LG makina konplexutasun handiko piezak egiteko sortu da, esaterako ebaketako tresnak, doitasuneko osagai hidraulikoa eta automobilgintzako piezak.
DANOBATek eskari garrantzitsu bat jaso zuen Bergeneko tranbiatik, Bybanen-etik, trenaren shuntatzea neurtzeko sistema bat entregatzeko.
Bergeneko tranbiak bide bikoitzeko 20 km-ko zati bat egiten du Bergeneko geltoki nagusiaren eta aireportuaren artean, hau da, Bergeneko hiriaren erdigunetik, iparraldean, Fleslandeko aireporturaino, hegoaldean.
Proiektu hau Bergeneko garraio programaren eta hirigintza eta ingurumeneko planaren zatia da; beraz, hogei urteko epean, hau da, 2005etik 2025era bitartean, garraio publikoa, ingurumeneko gaiak eta errepide, oinezkoentzako bide eta bizikletentzako bideen eraikuntza koordinatu eta lehenesteko elkarrekin egindako ahalegina da.
Maiatzaren 25etik 26ra bitartean tren terminal eta tailerren modernizazioaren gaineko hitzaldia emango da Londresen, ´Rail Depots & Workshops Modernisation 2016´ izenarekin, eta DANOBATGROUPek babestuko du ekintza.
Beste gauza batzuen artean, DANOBATGROUPek tren sektoreko lankide teknologiko gisa enpresak egiten duen lana erakutsiko du, bezeroei soluzio osoak ematenez, proiektua planifikatzen denetik proiektua osorik gauzatu arte, eta tren ekipamenduen bizitza baliagarri luzea bermatuz. DANOBATen ingeniaritzako produktuei eta zerbitzuei esker bezeroei bogieen eta muntatutako ardatzen osagai guztiak desmuntatu, konpondu, berriro muntatu eta ikuskatu ditzakete beraien instalazioetan automatikoki.
Lymington Precision Engineersek, bere 30 urte baino gehiagoko ibilbidean zehar, erakunde ´proaktiboa’-ren ospea irabazi du eta 50 milioi libera esterlinako negozio bolumena izateraino hazi da, pertsonetan eta fabrikazio teknologietan bideratutako inbertsioak egitearen ondorioz. Orain, PLC Seniorren babespean dihardu LPEk, bere Flexonics Dibisioko kidea den heinean, eta inbertitzen jarraitzen du, dibertsifikatuz eta petrolio eta gasaren, telekomunikazioen, industria aeroespazialaren eta lur eta itsasoko sistemen eta sistema nuklear eta ontzigintzakoen defentsaren sektoreetan dituen bezeroei zerbitzatzeko dituen ahalmenak handituz.
Azken 12 hilabeteetan, LPEk, jada ISO 14001 eta 18001 egiaztagiriak dituenak eta AS9100 egiaztagiria lortzeko lanetan ari denak, bigarren fabrikazio planta ireki du. Planta berriarekin 2.787 m2 gehiago ditu, eta orain 11.214 m2 ditu guztira fabrikaziorako, hau da, neurri handiko piezen proiektuak bolumen txikietan kudeatzeko ahalmen handiagoa dauka, 4 m-ra arteko luzera duten piezak lantzeko gai diren makinekin, eta gai da, baita ere, bolumen handiagoko lanak egiteko mekanizazio malgurako dituen bi sistemetan. Lan guztia goi mailako teknologiakoa eta balio erantsi handikoa izatea da joera, mekanizatzen zailak diren eta perdoi justuak dituzten materialak landu ohi baitira. Planta berriak bere azken inbertsiorako tenperatura espezifikoki kontrolatuta duen ingurune bat dauka: makina erreminta bat, zehazki, DANOBAT HG-72 makina, lan astunetarako artezteko makina unibertsala. Makina horrek 3000 mm ditu puntuen artean eta 640 mm-ra arteko diametroak arteztu ditzake, 1,5 tona arteko pisua duten piezetan. Bere B ardatzari esker, CNC bidez kontrolatutako motorra txertatuta du eta makinak askotariko artezte lanak egin ditzake, baita barrualdeak, kanpoaldeak eta hariak arteztea ere. Makinaren harri-burua 45 kW-ko motor batek eragiten du eta 45m/s-ko abiadura periferikoak sortzen ditu. Harriaren gehienezko diametroa 610 mm-koa da.
DANOBATGROUP berriz ere egongo da present Bilboko Exhibition Centre-n . Kokapena 5. Pabilioko C-11 standean izango du, eta abangoardiako teknologiaren aldeko apustua erakutsiko du punta-puntako sektoreetara zuzendutako azken garapenen bidez.
BIEMH erakustazokaren 29. Edizio honetan DANOBAT eta SORALUCE gisa ezagutzen diren bere bi marken bidez Makina aurreratuen azken garapenak erakutsiko ditu; zehaztasuna, fidagarritasuna eta produktibitate handia ziurtatzen duten makinak hain zuzen ere, eta horretaz gain eskakizun handiko mekanizazio prozesuei aurre egiteko diseinatuta daudenak. Ekipo guztiek kalitate maila goreneko osagaiak dituzte zurruntasuna eta oreka dinamikoa eta termikoa ziurtatzeko makinaren bizitza osoan zehar, eta horretaz gain, kontrol sistema aurreratuak dituzte abiadura eta zehaztasun eskakizunei aurre egiteko. Gainera, eskakizun handiko industria sektoreetara zuzendutako balio erantsi handiko osagaiak fabrikatzeko garapen aurreratuak ere ikusteko aukera izango da. Garapen aurreratu hauek mekanizazio prozesuen esperientzia sendoaren ondorio dira, eta sektoreko enpresa liderrekin landu dira emaitza garapen erabat automatizatuak instalatu eta munduko edozein lekutan produzitzeko moduan jartzen direnak. Eskaintza zerbitzu aurreratuekin osatzen da, informazio eta komunikazio teknologia modernoenetan oinarrituta disponibilitaterik altuena ziurtatuz eta programazioan, operazioan eta ekipoen mantentze lanetan formazioa eskainiz.
DANOBATek bi eguneko erakusketa antolatu du non bezeroek erradioak, artezteko doitasun handiko DANOBAT-OVERBECK IRD-400-a, gertutik ikusteko aukera eduki duten, eta baita enpresa eskaintzen ari den re-control/retrofit programa berriaren ezagutza ere. Erakusketa honen helburu nagusia merkatuko doitasun handiko makinen eskaerei erantzuna ematea izan da.
Bezeroei dagokienez, erakusketa honetara industria munduko sektore nagusien ordezkariak hurbildu ziren, beraien proiektuak arrakasta-bermez garatzeaz gain goi mailako teknologia soluzioak topatzeko. Manex Ochotecok, DANOBAT Machine Tool-eko presidenteak, erakusketa positiboki baloratu du: "gure lehen edizioa izanda, ez genuen honelako asistentziarik espero. Honek, etorkizun hurbilean erakusketa berriak antolatzera bultzatzen gaitu."
DANOBATGROUPek Washington D.C.-n martxoaren 16 eta 17an egingo den American Passenger Rolling Stock 2016 kongresua babestuko du beste batzuekin batera. Kongresu hau batetik aktiboak nola aplikatu aztertzean oinarrituko da, eta baita konponketa egokia egiteak duen garrantziaz kostuei eustsi ahal izateko, geldialdiak murrizteko eta fidagarritasuna hobetu ahal izateko.
Ander Azkarate, trenen sektorerako garapenen ikerketa eta berrikuntza departamentuko arduraduna izango da enpresak tren sektoreko proiektu berri bati aurre egiterakoan eskaintzen duen metodologia azalduko duena, eta baita makinaz hornitzea baino haratago joatea izaten dela beti helburu.
Fresaketa eta, azken urtetan, hiru metro arteko zabalera duten piezen neurketa ere nahiko ohikoa da De Rooyn Slijpcentrum de Nuenen, Herbeereak, baina artezketa beste kontu bat zen. Baina guzti hori iraganeko kontua da. DANOBAT artezteko makina laua erosita, orain enpresak pieza handienak ere zehaztasun handienarekin mekanizatzeko gaitasuna du.
Dirk de Rooyren esanetan, "orain arte fresaketa lanak eta zabalera handiko piezen neurketak egin genitzazkeen, baina artezketaren kasuan 1700mm-ko zabalera eta 10 tonako piezekin mugatuta geunde". Dirk enpresako zuzendaria da bere anaia Adamekin batera. Orain, eta otsailean heldutako DANOBAT artezteko makina lau berriari esker muga hori guztia gaindituta geratu da.
DANOBATGROUPek tren sektorerako garapenak erakutsi ditu AEMk antolatutako edizio berri honetan.
Jardunaldi hauek oso garrantzitsuak bilakatu dira esperientziak trukatu eta mantenu arloan dagoen ezagutza handitzeko aukerak direla eta.
Egoitz Aranzadi izan da DANOBAT soluzioak erakusteko arduraduna jardunaldi hauetan. Jardunaldiak otsailaren 9 eta 10ean izan ziren Madrilen. Aranzadik DANOBATek tren sektorean proiektu berri bat garatzeko orduan erabiltzen duen metodologiaren azterketa egin zuen, enpresak soluzioak eskaintzerako orduan balio erantsi handiko soluzioak eskaintzen egiten duen ahalegin handia azpimarratuz.
"Tubos Reunidos" enpresa internazionalak tutu hariztatuak eta mangitoak egiteko instalazio berria du jada, eta instalazio hori DANOBAT makinez hornituta dago. Proiektua, Tubos Reunidos eta Marubeni enpresen arteko joint-venturearen emaitza, 31.500 metro koadroko lursaila hartzen du, non DANOBAT makinak etenik gabe ari diren tutu hariztatuak fabrikatzen.
Produkzio lerro berriak balio teknologiko handiko tutuak egingo ditu, zehazki petrolio eta gas putzuen zulaketa eta produkziorako erabiliko diren tutu hariztatuak. DANOBAT makinek bukaerako lana egingo dute, hau da, tutuei PREMIUM hariak jarriko dizkiete, zeinak patenteek babestuta dauden eta estandarrek baino prestazio hobeak eskaintzen dituzten. «Ezin hobeak dira 4.000 edo 5.000 metroko sakoneran dauden ustiategietan lan egiteko», zehazten du Carlos San Martinek, Tubos Reunidos Industrial enpresako teknologia eta garapeneko zuzendariak.
Oraingoan 2 DANOBAT hobi-tornuren kontratuak lortu dira, hiri horietan lan egingo duten tranbien gurpilak perfilatzeko erabiliko direnak.
DANOBATen hobi-tornuak trenen errodaduren eta diskozko frenoen mantentze-lan zuzentzaileak, trenaren ardatzak desmuntatu beharrik gabe egin ahal izateko berariazko makinak dira. Gainera, gurpil-errei zirkulazioak eragindako higadura eta deformazio logikoa jasaten duten gurpilen profilak birsortzeko diseinatuak daude.
DANOBATGROUP da abenduaren 9tik 10era Londresen egingo den Rolling Stock Fleet Maintenance kongresuaren babesletako bat.
Tren sektorerako ikerketa eta berrikuntza sailaren arduradun Ander Azkarateren esku egongo da tren sektorerako proiektu berri bati ekiteko unean enpresak eskaintzen duen metodologiaren azalpena, bai eta enpresa beti makina emate hutsetik haratago joaten saiatzen dela esatea ere.
Euskotrenek dagoeneko badauka DANOBAT tren gurpilen perfil neurgailua.
Sistema berri honi esker euskal enpresa bere trenen gurpilen egoera zein den jakiteko gai da une oro, horrela garraioetako mantenua eta segurtasuna hobetuz.
DANOBATeko xafla dibisioak bere produktu lerroa zuntz bidezko laser ebaketara luzatu du. Honela, bobina metaliko bidez elikatutako sistemak barneratuz helburu nagusia prozesatu beharreko materiala aurreztea izango da, eta baita lehiakortasuna hobetzea makinako denbora hilak murriztuz.
DANOBATek soluzio berezi eta berritzaileen garapenaren aldeko apostua egiten jarraitzen du bazeroen behar zehatzak asetzeko helburuarekin. Kasu honetan, zuntz bidezko laser ebaketa sistema malgu bat garatu da prozesatu beharreko materiala bobinatik irtetzen delarik xafla formatoetatik irten beharrean.
DANOBATGROUPeko DANOBATek teknologia aurreratua eta ekoizpen maila altua duten tren sektoreko azkenengo soluzioak aurkezten ditu urriaren 21etik 23ra Roudnhouse hitzaldi etxean Derbyn, Erresuma Batuan.
WRI UE 2015 hiru egunez ospatuko den hitzaldi sorta bat da eta bertan tren sektoreko gurpil/bide, ibilgailu/trenbide arteko interakzioari buruz hitz egingo da. Wheel Rail Seminar-rek 20 urteko esperientzia du ibilgailu/trenbide buruzko hitzaldiak antolatzen eta bertan aurkeztuko ditu azken berrikuntzako aurrerapenak eta industria barruko azkeneko garapenak, guzti hau mundu mailako experientziarekin ibilgailu/trenbide interakzioan.
Gurpil eta errailen arteko interakzioa faktore garrantzitsua da material ibiltariaren portaeran eta, ondorioz, ibilgailuen segurtasun eta erosotasunean. Hori horrela, beharrezkoa da zehaztasunez eta sarri gurpilen hainbat parametro detektatzea, eta bereziki, kontaktuaren perfila. DWPM, DANOBATeko perfilak neurtzeko azken generazioko ekipamendua, urteetan zehar material ibiltari eta operadoreekin batera egindako ikerketa eta garapenaren ondorioa da.
Bilbao Exhibition Centre (BEC) eta Espainiako Makina Erreminta Fabrikatzaile, Osagai eta Erreminten Elkarteak (AFM) , elkarlanean antolatzen duten Espainiako Makina Erreminta Biurtekoa (BIEMH)sektoreko fabrikatzaile eta banatzaile nagusiei aurkeztu zaie Milango (Italia) EMO erakustazokan.
Ekitaldi honen aurkezpenaren parte bat SORALUCEren standean egin da, non Rafael Idigorasek, erakunde honetako zuzendari gisa BIEMHera joatearen garrantzia aipatu duen bere hitzetan aukera aparta delako punta-puntako garapen eta teknologiak ezagutu, berauetara hubildu eta eskuragarri izan daitezen bezeroen lehiakortasuna hobetzeko. Komentatu duen moduan teknologian inbertitzea ezinbestekoa da herrialde baten garapenerako eta inbertsio zuzen baterako lehen pausoa emateko BIEMH leku egokia da.
Elmia Nordic Rail azokako B02:108 stand-ean erakutsiko dira DANOBATen azkenengo garapen eta teknologiak tren sektorerako.
Azoka hori Eskandinavian sektore honentzako egiten den bakarra da eta tren industria nordikoaren zati handi bat erakartzen du. Azoka hau, urriaren 6tik 8ra, Europako industriaren topagune garrantzitsuena bilakatzen da.
DANOBATGROUPen tren sektoreko dibisioak, tren industriarako ekipamenduen fabrikatzailea, nazioartean finkatu da Erresuma Batuan eskaera garrantzitsu bat bermatuz.
Oraingoan, First Great Western britainiar operadoreak, bere Reading-eko lantokian 2016an DANOBAT hobiko tandem tornu bat entregatu eta instalatzeko kontratu bat esleitu du.
DANOBATGROUPek bere bi produktu marketako, DANOBAT eta SORALUCE, teknologiarik aurreratuenak izango ditu ikusgai mundu mailan bi urtean behin egiten den makina erreminta erakustazokarik garrantzitsuenean. EMO 2015 erakustazoka hau Milanen egingo da urriaren 5etik 10era bitartean.
Erakustazoka honen garrantziaz jabetuta DANOBATGROUPek DANOBAT eta SORALUCEren berrikuntza eta produkturik aipagarrienak erakutsiko ditu hiru stand ezberdinetan, non azken generazioko teknologiarekin bi marka hauek duten konpromisoa erakutsiko den eskakizun maila altua duten sektoreei zuzendutako azkeneko soluzioekin.
DANOBATGROUPeko tren dibisioak, zeina liderra den osagai birakarien mantentze lanetarako eta ekoizpenerako giltza eskura erako soluzioetan zein osagai horien mekanizaziorako makina indibidualen fabrikazioan, iragarri du webgune berria abian jarriko duela railways.danobatgroup.com. Gune horretan, taldeak DANOBAT eta SORALUCE marketako produktu estrategikoak, berritzaileak eta azken teknologia dutenak erakutsiko ditu, esaterako, DANOBAT hobiko tornua: tren ardatza desmuntatu beharrik gabe tren gurpilen eta freno diskoen mantentze lanak egiteko gai den makina bat.
Taldeak web orri berri horren bitartez urrats bat gehiago eman nahi izan du tren sektoreko bezeroekiko konexioan. Gutxiago gehiago dela dioen printzipioa oinarritzat hartuta, gune horretan soluzio bakoitzari buruzko informazio zehatza eta indibidualizatua dago
Oil&Gas sektorea beti nabarmendu da industria merkatuko zorrotzenetarikoa izateagatik. Energia baliabide eskuragarri gutxi egoteak, eta ur sakon, presio handi, tenperatura baxu eta muturreko baldintzetan gero eta jarduera gehiago egiteak, horrek denak eta produktibitate eta fidagarritasun bikaina lortzeko premia latzak, industria erronkatsua bihurtzen dute, mundu konplexu batean.
DANOBATGROUPek giltza eskura erako soluzioetan espezializatutako negozio arlo bat du, Oil&Gas industriarako. Urteak daramatza enpresak munduan liderrak diren fabrikatzaileekin elkarlanean, besteak beste, Aker Solutions, Cameron, Metso, Mogas, NOV, Tenaris, Tpco eta Vallourec enpresekin, horientzako balio erantsi handiko soluzioak eskaintzen hodi, kuplak, presio handiko balbulak, balbulen boladun asentuak, eta bola balbulen bolak eta antzeko piezen mekanizaziorako.
DANOBATGROUPek Moskuko metalurgia industriarako ekipamenduak, lan tresnak eta erreminten nazioarteko erakustazokan hartuko du parte 2015ko maiatzaren 25tik 29ra bitartean. DANOBATGROUPek DANOBAT eta SORALUCE marken berrikuntzak emango ditu ezagutzera bai artezketa, torneaketa, fresaketa-mandrinaketa, ebaketa eta zulaketa, puntzonaketa, tolesketa eta laser bidezko ebaketan 3. Pabilioiko B90 standean.
Metalloobrabotka nazioarteko erakustazoka Errusiako ekonomiaren garapen berritzailerako aurrekaririk gabeko goi mailako teknologiadun produktuen iturri da. Ingeniaritza errusiarrean teknologia aurreratuko teknologia arloko soluzioak sartuz, erakustazoka honek batetik Errusiako ekonomia berritzailea bultzatzen du, eta bestetik punta-puntako garapen teknologikoak produktu bilakatzeko transformazioa eta industriaren sektore guztietan aplikatzea azkartzen du.
DANOBAT eta SORALUCE artezketa, torneaketa, fresatze-, mandrinatze-, ebakitze- eta zulatze- soluzioak maiatzaren 18tik 23ra FEIMAFE 2015 azokan aurkeztuko dira, N200 standean, Anhembi Esposizioen Pabilioian, Sao Paulo, Brazil hirian.
DANOBAT eta SORALUCEk bikaintasun teknologikoa, zehaztasun handiko produktuak eta bezeroaren beharretara egokitzeko gaitasun berezia adierazten dute. Honen emaitza gisa lehen mailako soluzio lehiakorrak eskaintzen dira.
DANOBAT xafla transformaziorako garapenak NL Mexikoko Monterrey hiriko Cintermex-en egingo den FABTECH 2015erakustazokaren 12. edizioan ikusgai egongo dira maiatzaren 5tik 7ra bitartean.
FABTECH Mexikoko nazioarte mailako makina erreminta erakustazoka da, eta bertan DANOBAT makinak 1126 estanean kokatuko dira. Besteak beste, DANOBAT-en puntzonatzeko makinenartean teknologikoki aurreratuena den CHROMA puntzonatzeko makina elektrikoa erakutsiko da. Lortzen dituen produktibitate eta prezisio altuei esker makina hau soluzio egokiena da ekoizpen behar handienak asetzeko. Puntzonatze kadentzi oso altuak lortzeko gai den 30 tonako motore serbo-elektriko batekin dago hornitua.
DANOBATGROUPek bere bi produktu marken, hau da DANOBATeta SORALUCE marken azken aurrerapen eta teknologiak erakutsiko ditu CIMT 2015ean, makina erreminta arloko Txinako nazioarteko erakustazokaren 13. edizioan.
DANOBATGROUPek E2 pabilioiko 201 estandean ondorengo makinak jarriko ditu ikusgai: zutabe mugikordun fresaketa eta mandrinaketarako neurri handiko SORALUCE FXR 16000-W , barneak eta erradioak artezteko DANOBAT-OVERBECK artezteko makina, IRD modeloa, eta DANOBAT hobidun tornua trenen errodadura eta trenetarako balaztatzeko diskoen mantentze lanetarako. Era berean, estandean maketa bat ere izango da muntatutako ardatzen fabrikazioa, ikuskapena eta muntaketarako giltza eskura proiektuaren xehetasunak ikusteko. Proiektu hau India Railways-erako egiten ari da eta guztira 15 ekipo ditu, ardatzak eta gurpilak mekanizatzeko makina, osagaiak manipulatzeko robot sistema bat eta lerroaren kontrol integralerako gailu informatikoa, besteak beste. Honekin guztiarekin batera beste produktu batzuei buruzko informazio zehatza ere emango da: artezteko makinak, tormuak, fresatzeko-mandrinatzeko makinak, puntzonatzeko makinak, tolesteko makinak, laser bidezko ebaketako makinak eta trenen sektorea eta oil&gaserako giltza eskura soluzioak.
DANOBAT KOOP. E.ak Laneko Osasun eta Segurtasuneko Ziurtagiria lortu du, AENORek (Asociación Española de Normalización y Certificación) ematen duena. Ziurtagiri honen bidez enpresak arriskuen prebentzioaren in guruko araudia betetzen duela baieztatzen da eta baita langile guztiek laneko osasun eta segurtasun arloan etengabe hobetzeko duten konpromisoa ere.
DANOBAT eta SORALUCE artezketa, torneaketa, fresatze-, mandrinatze-, ebakitze- eta zulatze- soluzioak apirilaren 7tik 10era INDUSTRIE 2015 azokan aurkeztuko dira, 6-S57 standean, Eurexpo gunean, Lyonen.
Aurreko urteetan bezela, bi markek tokiko zein nazioarteko bezeroekiko harremanak indartzea nahi dute, eta azoka bisitatuko duten guztiei teknologia aurreratuena duten makina-erremintak eta ingeniaritzako soluzio teknikoak erakutsi.
DANOBAT zuntz arlorako garapenak JEC Europe composite show and conferences azokako 7.3 pabilioian, K61 stadean egongo dira erakusgai martxoaren 10etik 12ra bitartean Parisen.
DANOBATGROUPeko konpositeen dibisioa teknologiazko integratzaile disruptibo bat da eta bezeroaren egiteko gaitasuna eta DANOBAT en esperientzia eta ezagutza lotzen ditu soluzioen garapenean eta giltza eskuan proiektuetan. Gure bezeroak haien sektoreetan liderrak dira (aeroespaziala, energia, automozioa...). ADMP® zuntz lehorreko soluzio disruptiboak hobekuntza esanguratsuak erakusten ditu eta emaitza lehiakorragoak. Soluzio horiek proeiktuen kudeaketan bezeroekin ditugun harreman aurreratuen ondoriozko emaitza dira, ADRM®.
SIFER erakustazokako 1. pabilioiko 136 standean DANOBATek ferrokarrileko sektorerako azken garapen eta teknologiak aurkeztuko ditu.
DANOBATGROUPeko Railways Negozio Unitatea gurpildun materialen mantentze-lanetarako eta produkziorako neurrira egindako soluzioetan (ardatzak, gurpilak, wheelsets-ak, bogieak...) nahiz osagai horiek mekanizatzeko makina indibidualetan espezializatua dago.
DANOBATen xafla transformaziorako dibisioak zuntz bidezko ebaketarako (1500x4000 mm) sistema automatikoa ezarri du Italiako KAER INDUSTRIAL VENTILATION S.R.L, enpresan Pavia inguruan, Milandik hurbil.
KAER INDUSTRIAL VENTILATION SRL aireztapena, aspirazioa eta sukalde industrialetarako osagaiak fabrikatzera dedikatzen da, eta instalazio berri honekin merkatuan duen kokapena indartzea espero du. Instalatutako DANOBAT makina honek zuntzezko laser bidezko ebaketa sistema du, biltegiratzeko 15 puntuko sistemarekin eta xaflaren karga eta deskarga. Laser bidezko ebaketa makinaren automatizazio honek makina sistema autonomo egiten du, eta langilearen laguntza txikia eskatzen du. Xafla automatismoen bidez biltegiratzearen helburua espazioa aurreztea da batetik, eta bestetik, kolan dauden formato ezberdinak prozesako gaitasuna makina gelditu gabe.
Martxoaren 18an eta 19an DANOBATGROUPek OPEN HOUSE 2015 egingo du Herbornen duen fabrikazio plantan (Alemania).
Jardunaldietan DANOBAT eta DANOBAT-OVERBECK makinen teknologia eta duten artezketa makinen gama zabalean aplikatutako garapen berriak erakutsiko zaizkie bezeroei. Gainera, artezketan espezialista hoberenek hainbat mekanizazio proba egingo dituzte.
DANOBATGROUPek azkeneko DANOBAT teknologia eta garapenak jarriko ditu ikusgai Texas-eko HOUSTEX erakustazokako 1449 standean otsailaren 26tik 28ra bitartean.
Sektorerako beste soluzio batzuen artean tutuak mekanizatzeko DANOBAT TTB tornu horizontala izango da. DANOBAT TTB tornuaren ezaugarrietako bat makinaren zurruntasuna da eta torneaketa eta hariztaketa operazioetan txirbila begien bistatik desagertaraztea da. Horretaz gain, makinak karga/deskarga sistema ere izan dezake barneratua, posizionamendu kanalak, erreminta zehatzetarako soluzioak, mekanizazio prozesuak, CNC programazioa eta langileentzako formazioa bezero bakoitzaren behar zehatzei erantzuteko.
DANOBATGROUP Indiak azkeneko DANOBAT eta SORALUCE aurrerapen eta teknologiak erakutsiko ditu 4. pabilioiko B-110 standean, Indiako IMTEX 2015 makina erremina erakustazokako 17. edizioan.
DANOBATGROUPek SORALUCE FP-6000 fresatzeko-mandrinatzeko makina jarriko du erakusgai. Makina honek luzetarako 6000 mm-ko ibilbidea du, 3200 mm-ko ibilbide bertikala eta 1500 mm-ko ibilbide transbertsala. Buru ortogonala du 1ºx1º bakoitzean indexatu daitekeena, 37 kW-eko motorra 4000 bira egiten dituena minutuko, eta 20 posizioko erreminta biltegia. Torneaketa bertikaleko SORALUCE VTC 6000 zentroaren maketa bat ere egongo da ikusgai, eta baita India Railways-erako egiten ari den fabrikazio, ikuskapen eta ardatzen muntaketako giltza eskura lerroaren proiektuko maketa, 15 ekipo dituena eta horien artean ardatzak eta gurpilak mekanizatzeko makinez gain robot sistema bat osagaien manipulaziorako eta lerroaren kotrol integraturako gailu informatikoa. Horrrekin guztiarekin batera oil & gas, aeroespaziala, energia, ekipo ondasunak eta azpikontratazio tailerrei buruzko informazio zehatza ere emango da eta artezturiko aplikazio pieza batzuk ere egongo dira erakusgai.
Aluminioa eta brontzea ebakitzea lehen baino lau aldiz azkarrago egiten da.
Kobre eta nikelaren aleazioetan lider gisa eta forjarako piezak, galdaketarakoak eta mundu osoko ingeniaritzatarako doitasunezko osagaiak hornituz, Copper Alloys Ltd enpresa ingelesa ezaguna da defentsa arloko, arlo aeroespazial eta petrokimika arloetako industrian, besteak beste, duen esperientziarengatik.
Badira urte batzuek DANOBATGROUP kooperatiba taldeko enpresek euskararen erabileraren aldeko planak dituztela martxan eta plan horietatik sortutako lanak argitaratu eta jende guztiaren eskura jartzen dituztela. Horien artean, aurtengo honetan berritu eta osotuta aurkezten duen makina erreminta arloko irudi zein hitzak euskaraz kontsultatzeko hiztegia. Hiztegi honek, batetik, gaztelaniatik euskarara eta euskaratik gaztelaniara kontsulta teknikoak egiteko aukera eskaintzen du. Bestetik, DANOBATGROUPen diseinatu eta ekoizten diren hainbat makinen irudiak ere agertzen dira eta irudi horietan hiztegiko hitzak ikusi ahal izango dira. Horrez gain, nahi duen guztiak proposamenak egiteko aukera izango du hitzen bat ez badu aurkitu.
