Pertsonekin, ingurunearekin eta gizartearekin konprometituta

“Mundua ez zaigu eman hari begira egoteko, eraldatzeko baizik.”

J.M Arizmendiarrieta

Danobatgroupen gardentasunaren, partaidetzaren eta efizientziaren printzipioek eraginda jarduten dugu, pertsonei, inguneari eta gizarteari funtsezko balioak transmititzeko. Zerbitzatzen ditugun eta gurekin elkarlanean diharduten komunitateetako zati aktiboa gara, eta kultura, ingurumena, enplegua eta ongizatea hobetzeko ekimenak sustatzen ditugu.

60 urte baino gehiago dira gure emaitzetako zati bat gizarteari balio erantsiko enplegua sortzeko eta gizarte aurrerapena sustatzeko erabiltzen dugula.

Garapen pertsonala eta enpleguaren sorrera

DANOBATGROUP pertsonengan eta pertsonen garapen integralean oinarritutako proiektu sozio-enpresariala da, eta hazkunde errentagarria eta iraunkorra bilatzen du enpresa arrakastaren bitartez, ingurunean aberastasuna eta enplegua sortzeko.

ADITUAK, TREBATUAK ETA ETORKIZUNEKO IKUSPEGIAREKIN

Ditugun trebakuntza handiko profesionalen konpromisoa eta inplikazio aktiboa dira gure arrakastaren oinarria.  Etengabeko ikaskuntza ezinbesteko alderdia da gure lantaldean. Gure gaitasunak eta ezagutzak etengabe hobetzen ari gara, beti urrats bat aurrerago egoteko.

Konpromiso soziala

Konpromiso sendoa dugu gizartearekin, eta hainbat ekimenekin elkarlanean ari gara gure enpresa jardueraren eremu geografikoan ekonomia soziala sustatzen eta laguntzen, heziketa eta prestakuntza sozio-kooperatiboa eta profesionala bultzatzen, izaera soziokulturaleko eta asistantzialeko jarduerak bultzatzen eta sustatzen, eta elkartasuna eta interkooperazioa bultzatzen, bai eta ikerketa eta garapena bultzatzen ere, jarduera berriak zein interes bereziko proiektuak babesten dituzten ekimenen alde eginda.

Kontextu honetan 2018an Danobatgroupek Elkarrekin Eragin programa martxan jarri zuen taldeko kooperatibetako langileen parte hartze aktiboaren bitartez gizarte eraldaketarako proiektuak garatzeko. Ekimenaren lehen edizioan hurrengo hiru proiektuetan egin da lan, eta 2021erako bigarren edizio bat martxan jarriko da datozen urteetan lagundu ahal izango diren izaera sozialeko ekimen berriak bultzatzeko.

 

Danobatgroup-ek Minbiziaren Aurkako Espainiako Elkarteak (AECC) sustatutako ekimen bat finantzatu du, prostatako minbizia garaiz eta modu ez inbaditzailean detektatzeko. Zehazki, gernu lagin baten bitartez tumore bat gaiztoa den antzematen uzten duen irtenbide bat diseinatu da. Orain, Europako beste herrialde batzuetan baliozkotu behar da sistema. Proiektuak Norvegian, Holandan eta Letonian dituen partnerrak pazienteen laginak prestatzen ari dira irtenbidearen balioa egiaztatzen jarraitzeko.

The Walk On Project (WOP) Fundazioa gaixotasun pneurodegeratiboen aurkako terapiak garatzeko eta kontzientziazio soziala bultzatzeko ikerketa programak finantzatzeaz arduratzen da. Danobatgroupek egindako ekarpenari esker, zelula amak erabiliz haurren leukodistrofiaren aurkako terapiak garatzeko ikerketa proiektu batean lagundu ahal izango du erakundeak.


BIZIPOZA 32 elkartek osatutako erakundea da, eta premia bereziak dituzten haurren eta beren familien ongizatea bultzatzen dihardu. Danobatgroupen laguntzarekin elkarteak dokumental bat eta dokuweb bat sortu du gizarte inklusiboago bat eraiki eta desgaitasun, genero edo jatorriengatik diskriminaziorik ez egoteko elkarteak egiten duena ezagutarazteko.


Euskara bultzatzen

DANOBATGROUP taldeak euskararekiko eta euskal kulturarekiko atxikimendu eta sentsibilizazio berezia erakutsi ditu sorrera sorreratik. Atxikimendu hori langileei begira zein gizarteari begirakoa da. Gure lantegiak dauden herrietako hainbat ekimenetan parte hartzen dugu, eta aldi berean, eragile gara. Gaur egun, DANOBATGROUPen euskara planak ditugu martxan, erabilera areagotzeko, langileen motibazioan eragiteko eta ezagutza handitzeko.

Gehiago irakurri

Iraunkortasuna eta konpromisoa ingurumenarekiko

Iraunkortasuna DANOBATGROUP

Hazkunde iraunkorra bilatzen dugu, gure eguneroko jardueretan ingurumena errespetatuz, gizarte oparoa, justua eta osasungarria lortzeko, bai egungo belaunaldientzat, bai etorkizunekoentzat.

Horretarako, arrakasta ekonomikoa eta ongizate soziala ingurumenarekin harmonizatzen saiatzen gara, modu bateragarri batean.

Gure bezeroen produktibitatea areagotzeko egiten dugu lan, errendimendu ezin hobea eskaini eta kontsumo energetikoa eta kutsadura murriztuko dituzten soluzio teknologiko berritzaileak eta iraunkorrak sartuz.

EKOSISTEMA BAKARREAN GAUDE, Basque Precision Technology District izenekoan

Debabarrena eta inguruko eskualdeen ekosistema industriala osatzen duten eragile guztien arteko lankidetza eta lerrokatzea bilatzen duen estrategiaren parte da BPTD. Eragile horien artean daude barrutiko enpresak, erakundeak eta instituzioak, euren helburua izanik "Ekonomia industrialaren hazkundearen zerbitzura egongo den eta berritzailea eta jasangarria izango den lan esparru berria" sortzea.

EAEko hiru hiriburuen erdibidean kokatua (munduko eskualde aurreratuenetakoa da, ELGE (OCDE) osatzen duten 330 eskualdeen artean 81. postuan baitago, biztanleko Barne Produktu Gordinari dagokionean), BPTD barrutiak kokapen estrategikoa du etengabe hobetzen diren komunikabide bikainei esker eta aireportu garrantzitsuenetara iristeko duen erraztasunagatik

Nola lagun zaitzakegu?