Informazio korporatiboa

DANOBATGROUP industri talde bat da eta makina-erreminten fabrikazioan, balio erantsi handiko osagaien fabrikaziorako garapenetan, giltza eskura erako ekoizpen sistemetan eta zerbitzu teknologikoki aurreratuetan espezializatuta dago, eskakizun zorrotzeko sektoreentzat, hala nola automobilgintza, aeronautika, tren garraio edo energiaren sorrerako, besteak beste.

Taldeak, MONDRAGON Korporazioko kidea baita, 60 urteko ibilbidea egina du doitasun handiko sistemak garatzen eta fabrikaziorako teknologiak ikertzen eta aplikatzen.

DANOBATGROUPen eskaintza bi marka nagusirekin merkaturatzen da: batetik, SORALUCE, liderra fresatzeko makinetan, mandrinatzeko makinetan, torneaketa bertikaleko zentroetan eta funtzio anitzeko makinetan, eta, bestetik, DANOBAT, erreferentea artezketaren eremuko balio erantsi handiko soluzioetan eta material konposatuzko piezen artezketa, torneaketa, ebaketa, puntzonaketa, tolesketa eta ekoizpen automatizatuan. DANOBATek giltza eskura erako soluzioak garatzen ditu bere bezeroekin elkarlan estuan arituta, sektore hauetako aplikazio berezietarako: aeroespaziala, trena, automobilgintza, energia, petrolioa eta gasa, eta xafla transformazioa.

DANOBATGROUPek konplexutasun handiko ekipamenduen fabrikazioan dihardu, etengabe aldatzen ari den sektore heldu eta zorrotz batean, makina-erreminten sektorean, alegia, eta horregatik taldeak bere sarreren %8 eta %10 artean berrikuntzan inbertitzen du.

Europako makina erreminta produktorerik aipagarrienetakoa izanik 1.300 bat langile ditu, eta 300 milioi euro inguruko fakturazioa erregistratzen du urtean, eta kopuru horretatik %90 nazioarteko merkatuetatik datorkio. Nazioarteko bokazioa eta kanpoko merkatuetara irekitzea izan dira beti DANOBATGROUPen nortasun ezaugarrietako bat, izan ere, 30 urte baino gehiago dira bere mugetatik kanpo zerbitzuak ematen eta produktuak saltzen ari dela.

Etxeak 13 ekoizpen lantegi ditu, eta gehienak Euskadin daude eta beste herrialde batzuetan, hala nola Alemanian, AEBn eta Ingalaterran. Horrez gain, zerbitzu eta komertzial ordezkaritzak ditu sektorerako estrategikoenak diren herrialdeetan.

DANOBATGROUPi buruzko informazio gehiago, esteka honetan