DANOBATek soluzio integralak garatzen ditu trenen material biragarrien mantentze lanetarako, soluzio globalak eskainiz: ideiatik soluzioa bete-betean martxan egon arte.
Ardatz muntatuen mantentze lanetarako tailer hauetarako eskaintzen dituen soluzioen artean nabarmentzen dira portaledun tornuak, ardatzetarako tornu horizontalak, gurpilak mandrinatzeko makinak, neurketa sistemak, torlojuak estutzeko gailu mekanikoak gurpiletarako, hondar tentsioak ikuskatzeko ekipoak eta ardatz muntatuen errodamenduetarako saiakuntza bankuak, besteak beste.
Bezeroen benetako premietara egokitutako soluzioak dira, eta aldi berean aholkularitza zerbitzuak eskaintzen dira bezeroen eskakizun espezifikoetarako, sektorean duen esperientzia zabalean eta sektorearen gaineko aditu gisa dituen ezagutzetan oinarrituta. Bikaintasun teknologikoarekiko duen sentikortasunak, bere produktuen doitasun handiak eta bere bezeroen benetako premietara egokitzeko arreta bereziak agerian uzten dute abangoardiako soluzioak sortzeko duen gaitasuna.
