WT - Kanpoaldeak artezteko makina

WT artezteko makina astunen gamak zeharkako orga du konfigurazioan, plantan okupatzen den lekua optimizatzeko. Makinaren multzo nagusiak, hala nola piezaren burua, harriaren burua eta kontrapuntua, 15 tona arteko pisua eta 10000 metrora arteko luzera duten osagaiak artezteko diseinatu dira. Arteztu ondoren irauli egin behar diren diametro handiko piezak artezteko, muxarradurako bankada erabiltzeko aukera eskaintzen da.

Makinaren oinarria eta azpimultzoak burdinurtu perlitiko egonkortuzkoak dira. WT artezteko makinak harri buruaren konfigurazio ugariz hornitu daitezke: zuzena, angeluarra eta integratutako motorrak eragindako “B” ardatza duena. Harriak DANOBATek diseinatutako kojinete hidrostatikodun edo errodamendudun torlojuetan muntatzen dira. Aplikazioaren arabera, korindoi, CBN edo diamantezko harriak erabili daitezke.

Errendimendurik handiena lortzeko, WT makinek in-process neurketarako eta harriaren orekatze automatikorako ekipamenduak izan ditzakete, eta, besteak beste, talkak eta ukipenak ekiditeko sistema, ardatzen posizionamendurako sistema eta konikotasuna automatikoki zuzentzeko sistema gehitu ahal zaizkie.