Danobatgroupek makina-erreminten sektorerako dituen fabrikazio aurreratuko azken soluzioak aurkeztuko ditu BIEHM azokan

07-06-2022

Ekainaren 13tik 17ra arte, Makina-erreminten Espainiako Bienalaren beste edizio bat egingo da (BIEMH) Barakaldoko (Bizkaia) Bilbao Exhibition Centren (BEC), eta Danobatgroup enpresa taldea, makina-erreminten eta ekoizpen soluzio aurreratuen fabrikazioan espezializatuta dagoen taldea, han egongo da berriro. 

Bienala aukera paregabea bihurtu da Danobatgroupek soluzio aurreratuak garatzen egina duen ibilbide zabala erakusteko, balio erantsi handiko piezak eta sektore estrategikoetako, hala nola aeronautikaren, automobilgintzaren, trenaren, ekipo ondasunen edo energiaren sorreraren sektoreetako fabrikatzaileen premietara egokitutakoak fabrikatzeko diseinatutako soluzio aurreratuak fabrikatzen baititu.

Taldeak BECeko 1. pabiloiko C09 standean erakusketa gune bat edukiko du, eta han bere markarik nabarmenenek duten ahalmen guztia erakutsiko du, Danobatek (eta filialek, Hembrugek eta Overbeckek) eta Soralucek makina-erremintetarako garatutako makina, soluzio eta zerbitzu aurreratuenak erakutsiko baititu. Makina horiek artezteko, torneatzeko, fresatzeko eta mandrinatzeko teknologiarik aurreratuenak dituzte, fabrikazio prozesuen ahalik eta doitasun eta fidagarritasun handiena bermatzeko eta mekanizazio aurreratuko prozesuak eta ikuskapen sistema robotizatuak automatizatzeko, piezen manipulaziorako.

Doitasun handiko soluzioak makina-erremintarako

Danobat Europako doitasun handiko artezteko makinen eta tornuen fabrikatzaile nagusietako bat da, eta makina-erreminten eta balio erantsi handiko ekoizpen sistemak diseinatzen, garatzen eta fabrikatzen dihardu nagusiki, bezeroei soluzio malguak eta beren beharretara egokituak eskaintzeko, piezak ahalik eta doitasun handienaz fabrikatu ditzaten eta produktibitate tasa handiak eduki ditzaten.

BIEMHaren esparruan, Danobatek, beste nobedade batzuen artean, Hembrugen makinarik adierazgarrienetako bat erakutsiko du. Mikroturn 100 makina da, enpresa holandarrak gogorrean doitasunez torneatzeko eskaintzen duen punta-puntako teknologiaren adibide bat. “Mikroturn® tornua da, aplikazio ugaritarako pentsatua, hala nola errodamenduetako uztai eta arraboletarako, boladun torlojuen azkoinetarako, engranaje eta ardatzetarako, atorra eta pistoi hidraulikoetarako, bai eta molde eta matrizeen osagaien aukera zabal baterako ere”, zehaztu du Oscar Hernandezek, Danobateko Komertzial arloko buruak.

Makina granito naturalez egindako oinarri erabat hidrostatiko baten gainean dago eraikita, eta ahalbidetzen du Ø 450 mm-ra arteko pieza tenplatu eta ez tenplatuak doitasun handiz torneatzea. Gainera, 0,1 eta 2 µm arteko doitasun geometrikoak eskaintzen ditu, eta 0,1 eta 0,4 µm arteko zimurtasuna gainazalean. Horrez gain, altzairu gogortuan (70 Hrc-raino) 2 µm-rainoko neurri doitasunak eskaintzen ditu. Gainera, osagai mugikorren arteko kontaktu metalikorik ez dago eta, horri esker, makinak, hamarkadak eta hamarkadak erabili eta gero, doitasunez mekanizatzen jarraitzen  du.

Danobatek Espainian, Alemanian, Erresuma Batuan, Herbehereetan, Italian, AEBn eta Txinan ditu ekoizpen plantak eta bikaintasun zentroak, eta bere filial alemaniarrak, Overbeckek, garatutako azken soluzioak ere aurkeztuko ditu azokan. Overbeck 90 urte baino gehiagoko esperientzia du piezen barrualdeak, kanpoaldeak, aurpegiak eta erradioak artezteko makinak garatzen eta fabrikatzen.

60 urte teknologiaren abangoardian

Soralucek, berriz, 60. urte beteko ditu aurten, fresatzeko, mandrinatzeko, funtzio anitzeko eta automatizazioko soluzioetan nazioartean liderra izanda, eta bere proposamen berritzaileenetako batzuk aurkeztuko ditu BIEMHaren publikoaren aurrean, hala nola SORALUCE FLPa, zutabe mugikorreko fresatzeko makina. Soluzio horrekin maila goreneko produktibitatea lortzen da, ahalik eta ebakitzeko ahalmenik eta malgutasunik handienarekin.

Fresatzeko makina hainbat eratan konfiguratu daiteke, eta energia kontsumoan % 30 baino gehiago aurreztea ahalbidetzen du. Gainera, ekipoak, 35.000 mm/min-ko abiaduran ere dinamika handia bermatzen duenak, pendular-mekanizazioa hainbat lan arlorekin ahalbidetuz  eta denbora ez produktiboak 0 izango direla ziurtatuz.

Beste ezaugarri nabarmen batzuen artean, zutabe mugikorreko fresatzeko makinak, zeinak buru unibertsal milesimal bat baitu, 12.000 mm-ko ibilbidea du luzetara, 2200 mm-koa bertikalki eta 1.500 mm-koa zeharka, eta aldakortasun bikaina eta aukera ugari eskaintzen ditu bezeroen eskakizun produktiboenetara egokitzeko, eraginkortasun, kalitate eta zehaztasun estandar altuenekin.

Makina-erremintaren fabrikatzaileak teknologiarekin konprometituta jarraitzen du, balio erantsi handiko zerbitzuak garatuz eta bezeroei aholkularitza aditua eskainiz. Zentzu horretan, Soraluzeko zuzendari komertzial David Gonzalezek azaldu duenez, Bienalean “mekanizazioan txirbila harrotzeko gaitasuna handitzeko garatu ditugun moteltze soluzio adimendunak aurkeztuko ditugu. Dugun gaitasun tekniko handiari esker eta fabrikazio soluzioei aplikatutako ingeniaritzaz dakigunari esker garatu ditugu soluzio horiek.

Bertaratzen direnek teknologia horiek bertatik bertara ezagutzeko aukera izango dute, egingo ditugun zuzeneko erakustaldien bidez. Batetik, DAS® moteltze aktiboko sistema adimendunaren zuzeneko probak egingo ditu. Sistema horrek mekanizazio prozesua gainbegiratzen du, eta bibrazioa ezabatzeko aukerarik onena aukeratzen du. Bestetik, DWS moteltze aktiboko gailuaren probak egingo ditu. Pieza malguen mekanizazioan sortu ohi den chatterra ezabatzeko balio du gailu horrek, ekipoen ebaketa ahalmena handituta eta mekanizazio prozesuak eraginkorragoak eginda. Azken gailu bienalaren edizio honetako BIEMH Berrikuntza Sarietara aurkeztu da.

“Izan ere, guretzat, konpromisoak esan nahi du gure bezeroei beti onena eskaintzea, gure makinen erabilgarritasuna ahalik eta handiena, %95etik gorakoa, izango dela ziurtatzea, ekipoak ahalik eta denbora gehien erabili ahal izatea bermatzeko, geldialdi gutxiagorekin, eta edozein proiektu errentagarriago eta produktiboago eginda”, azpimarratu du Soraluceko zuzendari komertzialak.  

Azken belaunaldiko saiakuntza ez suntsitzaileak

Danobatgroupen erakusketa gunearen barruan, Endity ren azken garapenak ere erakutsiko dira. Endity balio erantsi handiko piezen ikuskapen ez suntsitzailerako soluzioetan (NDT) espezializatutako enpresa da. Konpainia 2020an sortu zuten industria taldeak eta IDEKO partner teknologikoak, industria enpresek fabrikazio aurreratuko estrategiaren barruan saiakuntza ez suntsitzaileak sartzeko duten beharrari erantzuteko.

Beste nobedade batzuen artean, saiakuntza ez suntsitzaileetan espezializatutako enpresa horrek E-Blade sistema aurkeztuko du. Pala eolikoak ikuskatzeko sistema berritzaile bat da, erabat autonomoa, eta standean bertan jarritako benetako ikuskapen ingurune batean egingo da bere aurkezpena.  Horrela, bertaratzen direnek sistemaren ezaugarri berritzaileenetako batzuk in situ egiaztatzeko aukera izango dute, hala nola sisteman duen autonomia maila edo emaitzak digitalizatzeko duen ahalmena.

Ultrasoinuen teknologian oinarritutako soluzio hori industria eolikora bideratuta dagoen arren, Lander Sagarna Endityko salmenta zuzendariak azaldu duenez, “adibide ona da ikusteko zer sofistikazio maila eskaini dezakegun beste industria sektore batzuetan, hala nola trenaren sektorean, eta beste teknologia batzuetan, hala nola korronte induzituetan.

Pertsonen eta talentuaren aldeko apustua

Teknologia berriak bat-batean sartzearekin batera, fabrikazio industrialaren sektorean aldaketa handiak gertatzen ari dira, eta aldaketa horietarako sektoreak profil profesional berriak behar ditu, ekoizpen inguruneen digitalizazioak dakartzan erronkei aurre egiteko gai izango diren profilak. Agertoki horretan, funtsezko faktore bihurtu da inguruko enpresen errealitatea eta mundu akademikoa elkarrengana hurbiltzea sustatzea, profil profesional berriak erakartzeko.

Horregatik, BIEMH azokaren esparruan Danobatgroupek partaidetza nabarmena izango du WORKinn Talent HUB enplegu industrialaren azokan, pertsonen eta talentuaren alde egiten duen apustua indartuz. Enplegu azokan, industria taldeak bere balio proposamena eta enpresa eredua partekatuko ditu, profesionalak estrategiaren erdigunean kokatzen dituen enpresa eredua baitu. Hitzorduak bertaratutakoen curriculumak jasotzeko eta haiekin lehen harreman bat ezartzeko ere balioko du.

Danobatgroupi buruz

Industriako fabrikazioari aplikatutako teknologikoen alorrean 65 urteko ibilbidea eginda, Danobatgroupek trebakuntza handiko 1.300 pertsona baino gehiagok osatutako plantilla bat dauka. Taldea erreferentziako eragilea da nazioartean, makina-erreminten sektorean eta industriako fabrikazioari aplikatutako teknologietan.