DANOBATek tren ardatzen mekanizaziorako eta egiaztapenerako lerro automatiko berri bat sortu du LUCCHINI RSrako, nagusiki abiadura handiko trenetarako. Inbertsio hau Lovereko lantegia berritzeko epe luzeko plan baten zati bat da, zeinaren bidez LUCCHINI RS enpresari nazioartean duen lidergoari eusten utziko dioten produktu eta prozesuak berrituko diren.
Proiektua denbora errekorrean osatu zen, izan ere, DANOBATek lerroa fabrikatzeko agindua jaso eta 18 hilabete eskas igaro zirenean lerroa jada martxa zegoen bete-betean.
Ekoizpen lerroa “giltza eskura erako instalazio” gisa egin zen, non DANOBATek lerroko ekipo guztia (bai berak egindako bai beste enpresa espezializatu batzuek egindakoa) hornitu baizuen. Instalazioa egin ere DANOBATek egin zuen, bai eta garapen osoa martxan jarri ere.
Lana DANOBATek egin zuen proiektu talde batekin elkarlanean, eta LUCCHINI RS zen talde horren kide nagusia, zeinak konpainian esperientzia gehien zuten ingeniariak jarri zituen.
Lerroa da, zalantzarik gabe, tren ardatzetarako munduan dagoen lerrorik aurreratuenetakoa, bai bere sistemaren konplexutasunagatik, erabat integratuta eta automatizatuta baitago, bai lerroa osatzen duten makinetako bakoitzaren soluzio berritzaileen ugaritasunagatik.
Instalazioa, berez, ardatzak identifikatzeko eta kargatzeko unitate batek, muturrak fresatzeko makina batek, arbastu eta akaberako tornuek, artezteko makina batek, partikula ultrasoinu eta magnetikoen bidezko ikuskapenerako ekipo batek, ardatza manipulatzeko eta erremintak aldatzeko sistema robotizatu batek eta lerroaren kontrolerako sistema sofistikatu batek osatzen dute.
Lerroaren ekoizpen ahalmena urteko 15.000 ardatzekoa da gutxi gorabehera, eta LUCCHINI RSren katalogoko hainbat ardatz mota mekanizatu ditzake automatikoki.
Zergatik LUCCHINI RSk aukeratu zuen DANOBAT bazkide gisa hain proiektu konplexu eta garrantzitsurako?
Abiadura handiko tren ardatzen fabrikaziorako lerro automatiko baten instalazioa proiektu erabat konplexua da eta LUCCHINI RSk sektorean esperientzia zuen bazkide batekin lan egin nahi zuen, gure premietara egokitu zitekeelako eta giltza eskura erako proiektu bat eskaini, doitasun eta kalitate handia bermatuta. DANOBATek baldintza horiek guztiak bete zituen.
Zein dira ekoizpen lerro honen abantailarik nagusiak?
Abantaila asko ditu: Langile gutxiago behar dira eta ez dago eskuzko manipulaziorik; beraz, langileen segurtasuna handitzen da; ekoizpen denborak laburragoak dira; hondakin gutxiago sortzen dira; azken produktuaren perdoiak nabarmen hobetzen dira eta ekoizpen kostuak murrizten dira. Gainera, WIP inbentarioa asko murriztu zen, bai eta ekoizpen denbora ere.
